Қытай робототехника және электр көліктері (NEV) сияқты салалардан орташа және ауыр сирек жер элементтеріне өсіп келе жатқан жаһандық сұранысты ескере отырып, сирек жер металдарды экспорттау лицензиясын алуына бірқатар өтінімдерді мақұлдады, деп хабарлады ҚХР Коммерция министрлігінің ресми өкілі.
Сирек жер өнімдер екі жақты: әскери және азаматтық мақсатта қолданылады және мұндай өнімдерге экспорттық бақылауды енгізу мойындалған халықаралық тәжірибеге сәйкес келеді, деп хабарлайды Xinhua.
Ресми өкіл бақылау шараларының ұлттық қауіпсіздік пен мүдделерді жақсырақ қамтамасыз етуге, сондай-ақ ядролық қаруды таратпау жөніндегі халықаралық міндеттемелерін орындауға бағытталғанын, бұл Қытайдың әлемдегі бейбітшілік пен аймақтық тұрақтылыққа адалдығын көрсететінін атап өтті.
Қытай өтінімдердің талаптарға сәйкестігін тексеруді күшейтуді жалғастырады және талаптарға сәйкес келетін саудаға жәрдемдесу үшін тиісті елдермен экспорттық бақылау бойынша байланыс пен диалогты кеңейтуге дайын, деді ҚХР Коммерция ммнистрлігінің ресми өкілі.
