Қытайдың солтүстік-батысындағы Шэньси провинциясы 2026 жылы ШЫҰ аясында аграрлық технологиялар алмасу мен оқытуға арналған демонстрациялық базаның құрылысын жеделдетіп, Орталық Азия елдерімен ауыл шаруашылығы саласындағы инновациялар бойынша ынтымақтастықты күшейтпек, деп хабарлайды Xinhua.
Бұл туралы Шэньси провинциясы үкіметінің атқарылған жұмыстар жөніндегі есебінде айтылды.
Провинциялық Халық өкілдері жиналысының жыл сайынғы сессиясында 2025 жылы жергілікті билік «Қытай – Орталық Азия» саммитінде қол жеткізілген келісімдерді Шэньси өңірінде жан-жақты іске асыруға күш салғаны атап өтілді. Атап айтқанда, Сиань қаласынан Алматыға бағыт алған «Қытай – Орталық Азия» халықаралық туристік пойызының алғашқы рейсі іске қосылды. Сонымен бірге Сианьнан жолға шыққан немесе Сианьға келген «Қытай – Еуропа» бағытындағы пойыздардың жалпы саны 6 037-ге жетіп, бұл көрсеткіш өткен жылмен салыстырғанда 21,1 пайызға артты.
Деректерге сүйенсек, өткен жылдың қорытындысы бойынша Шэньси провинциясының сыртқы сауда айналымы жылдық есеппен 18,5 пайызға өсіп, 537,9 млрд юаньға (шамамен 77,43 млрд АҚШ доллары) жеткен. Ал провинцияның Орталық Азияның бес елімен тауар айналымы 37,2 пайызға ұлғайған.
