Геосаяси шиеленістер мен Ирандағы жағдайға байланысты Орта дәліз халықаралық жүк тасымалдары үшін сенімді балама бағытқа айналуда, деп хабарлайды Xinhua.
Бұл туралы Еуропалық қайта құру және даму банкінің Кавказ өңірі бойынша аймақтық директоры Алкис Дракинос грузиялық БАҚ-қа берген сұхбатында мәлімдеді.
Оның айтуынша, Ирандағы жағдай Азия мен Еуропа арасындағы жүк тасымалы үшін тәуекелдерді айтарлықтай арттырды, сондықтан ирандық бағыт іс жүзінде қарастырылмай отыр.
Компаниялар жаңа тәуекелдерге бейімделіп, балама логистикалық бағыттарды іздеуде. Осы жағдайда әскери қақтығыстардан тыс орналасқан Орта дәліз тартымды әрі тиімді балама ретінде қарастырылуда.
ЕҚДБ бұл бағыт бойындағы елдерге инвестиция мен техникалық көмек көрсетіп келеді. Банк Қазақстандағы Ақтау портына инвестиция салды, сондай-ақ Әзербайжан мен Грузиядағы инфрақұрылымдық жобаларды қарастыруда.
