Қытайдың ірі өнеркәсіптік кәсіпорындарының қосылған құн көлемі биылғы жылдың қаңтар-ақпан айларында жылдық есепте 6,3 пайызға өсті, деп хабарлайды Xinhua.
Бұл туралы Қытайдың Мемлекеттік статистика басқармасы жариялаған деректерде айтылды.
Аталған көрсеткіш өткен жылдың желтоқсан айында тіркелген өсімнен 1,1 пайыздық тармаққа жоғары.
Тек ақпан айында елдегі өнеркәсіп өндірісі айлық есепте 0,83 пайызға артты.
Бұл көрсеткіш негізгі қызметінен жылдық табысы 20 млн юаньнан асатын ірі өнеркәсіптік кәсіпорындардың өндірістік белсенділігін бағалау үшін пайдаланылады.
