Қытай жаңа форматтағы жұмыспен қамтылған қызметкерлердің, соның ішінде курьерлердің, онлайн-сервис жүргізушілерінің және цифрлық платформалар мамандарының құқықтарын қорғауды күшейтуді жоспарлап отыр.
ҚКП ОК Канцеляриясы мен ҚХР Мемлекеттік кеңесі әзірлеген құжат интернет-платформаларға еңбек жүктемесін ескере отырып әділ еңбекақы төлеу және жалақыны уақтылы беру міндеттерін жүктейді.
Құжатта алгоритмдерді реттеуге ерекше назар аударылған. Компанияларға олардың жұмысын барынша ашық ету, қызметкерлердің ақпаратқа қол жеткізуін қамтамасыз ету және цифрлық жүйелермен өзара іс-қимыл шарттарын қалыптастыруға қатысу құқығын кепілдендіру тапсырылған.
Сонымен қатар салаға бақылауды күшейту, жұмыспен қамту туралы ақпаратты ашу жүйесін жетілдіру және еңбек нарығындағы жосықсыз бәсекенің жолын кесу көзделіп отыр.
Бағалауларға сәйкес, Қытайда жаңа форматтағы жұмыспен қамтылғандар саны шамамен 84 млн адамға жеткен, бұл секторды экономика мен әлеуметтік тұрақтылықтың маңызды құрамдас бөлігіне айналдырады.
