2026 жылдың басынан бері Шыңжаң-Ұйғыр автономиялық ауданындағы Алашанькоу теміржол шекаралық өткелі (Алатав асуы) арқылы Қытай–Еуропа және Қытай–Орталық Азия бағытындағы 3 мыңнан астам жүк пойызы өтті. Бұл көрсеткішке өткен жылмен салыстырғанда 19 күн бұрын қол жеткізілді, деп хабарлады China Railway Urumqi Group компаниясы.
Жүк тасымалы көлемінің артуы Шыңжаңның батыс бағыттағы маңызды логистикалық хаб ретіндегі рөлінің күшейіп келе жатқанын көрсетеді. Алашанькоу арқылы күн сайын 20-дан астам жүк құрамы өтеді, ал ең жоғары жүктеме кезеңінде олардың саны тәулігіне 35 пойызға дейін жетеді. Маршруттар бойынша автокөлік бөлшектері, электроника, жабдықтар және халық тұтынатын тауарлар тасымалданады.
Қазіргі уақытта Алатав асуы арқылы Қытайды Германия және Польша секілді елдерді қоса алғанда, 21 мемлекетпен байланыстыратын 128 халықаралық теміржол бағыты өтеді. Кеден қызметтері жүк рәсімдеу үдерісін жеделдету және шекарада кідіріс уақытын қысқарту шараларын қабылдап жатыр. Бұл халықаралық сауданың тиімділігін арттыруға ықпал етеді.
