Бішкекте Шанхай ынтымақтастық ұйымының (ШЫҰ) 25 жылдығына арналған «ШЫҰ әлеуетін біріктіру: өркендеуге бастайтын даму жолы» атты фотокөрме ашылды. Іс-шараны ШЫҰ Хатшылығы мен «Синьхуа» ақпарат агенттігі ұйымдастырды.
Көрмеге ұйымның қалыптасу тарихын, мүше мемлекеттер арасындағы практикалық ынтымақтастықтың дамуын және гуманитарлық байланыстардың нығаюын бейнелейтін 32 фотосурет қойылған. Экспозиция ШЫҰ дамуының негізгі кезеңдерін қамтитын бес тақырыптық бөлімнен тұрады.
Ашылу салтанатында сөз сөйлеген ШЫҰ Хатшылығының, БелТА агенттігінің және Қырғызстанның сарапшылық қауымдастығының өкілдері ұйымның 25 жыл ішінде ықпалды трансөңірлік бірлестікке айналғанын атап өтті. Олардың айтуынша, ШЫҰ бейбітшілікті нығайтуға, ынтымақтастықты дамытуға және халықтар арасындағы өзара түсіністікті тереңдетуге барған сайын маңызды үлес қосып келеді.
