Астана - елдің мәдениеті мен дәстүрлерін жоғары бағалайтын еуропалық мегаполистер стиліндегі таңғажайып, заманауи және футуристік қала. Қазақстан елордасының тартымды жайттары бар.
1830 жылы әскери гарнизоны ретінде құрылған ол кейіннен Ақмола деп аталатын елді мекенге айналды. Кеңестік кезеңде ол Целиноград, одан кейін Ақмола және Нұр-Сұлтан деп аталды, өткен жылы Қазақстанның жаңа астанасы Астана атауын қайта алды. 1999 жылы Астана ЮНЕСКО-ның Бейбітшілік қаласы деп танылды, ал оның символы аңызға айналған Бәйтерек ағашы болды.
Қала 1997 жылы қалпына келтіріле бастады және нәтиже таңқаларлық. Әр бұрышта батыл сәулетті ар тұрғын үй кешендері, кеңселер және коммерциялық кеңістіктер бой көтеріп келеді, сол себептен құрылыс саласы өткен жылы жоғары өсу қарқынын (9,4%) көрсеткені айқын болып отыр.
Астана космополиттік, заманауи және сәнді брендтік қонақүйлер мен бутиктерге толы. Қала туристік әлеуетке ие және көптеген қонақтарды қабылдайды. Егер өзіңіз үшін ашуға болатын түрлі жаңа бағыттар болса, онда Астана, әрине, солардың бірі.
Миллионға жуық халқы бар елдің екінші үлкен қаласы - мемлекеттің елордасы. Астанада Президент сарайы, Парламент, Жоғарғы Сот және түрлі мемлекеттік мекемелер мен ұйымдар орналасқан.
Қаланы Есіл өзені екіге бөледі және ол әсерлі «балық көпірі» (аудармашының ескертуі: «Атырау көпірі») арқылы Астанаға ең жақсы көрініс ашылады. Ескі жағалау негізінен нақты пішіндегі кеңестік стильдегі ұқыпты бояулаған тұрғын үйлермен ерекшеленеді, мұнда көрікті жерлер көп емес. Екінші жағалауда мемлекеттік және бизнес мекемелер, сондай-ақ мәдени, спорттық, ойын-сауық және қонақ үй орталықтарының айна, түрлі-түсті және әсерлі ғимараттары орналасқан.
Футуристік көзқарас
Астана Шығыс пен Батыстың мәдени дәстүрлерін біріктіретін жарқын сәулетімен ерекшеленеді. Жапон сәулетшісі Кисе Курокаве Астананың басты келбетін қалыптастырған жігерлі дизайнның авторы. Британдық сәулетші Норман Фостер қалған жұмысты өзіне алды, атап айтқанда Бейбітшілік және келісім сарайы, Хан Шатыр және Абу-Даби Плаза - Орталық Азиядағы ең биік ғимарат, биіктігі 320 метр - сияқты футуристік және көрнекті ғимараттарды жобалады. Ғимараттардың сұлулығы мен ұлылығы оларды Нью-Йорк, Токио немесе Дубаймен салыстыруға мүмкіндік береді. Бұл идеялардың барлығы Қазақстанның мұнай мен газ сияқты сарқылмас табиғи байлығының арқасында жүзеге асты.
Қала орталығы жазықта орналасқан және басқа елдердің туристерінен алыс кең даңғылдармен тыныш жүруге мүмкіндік береді. Бізде тұрғындар шетелдіктердің «шапқыншылығы» кезеңінде де күнделікті тәртіппен айналысады деген әсер бар. «Шетелдіктер» жергілікті тұрғындармен мазаланбайды және әртүрлі бұйымдарды сатып алуға «мәжбүрленбейді». Біз сүйкімді барларды, сәнді мейрамханаларды және басқа да мәдени демалыс орындарын оңай таптық. Дәстүр бойынша, қызмет өте мейірімді және жылдам көрсетіледі.
Бұл қала жас болса да, мәдени және бос уақытты өткізудің таңдаулары сан алуан. Театрлардың, балеттер мен концерттердің сәнді залдары, мұражайлар, кітапханалар мен көркем галереялар мол.
Нұржол бульвары - қаланың басты көрікті жері. Дәл осы жерде Бәйтерек - Астана мен Қазақстанның символы тұр. Ол Тәуелсіздіктің 10 жылдығына орай салынған. Оның биіктігі 97 метр, ал лифт сізді панорамалық залға апарады, ол қаланың керемет көрінісін ашылады. Ол «Бәйтерек» өмірдің қасиетті ағашы мен бақыттың сиқырлы құсы туралы халық ертегісін бейнелейді. Алтын күмбез өмірдің басталуымен байланысты шыны шарды білдіреді. Залда Қазақстанның Тұңғыш Президенті Нұрсұлтан Назарбаевтың оң алақанының алтын бедері бар, онда келушілер алақанға қол тигізіп, тілек білдіре алады: бұл орын алған бойда мемлекеттік әнұран ойнай бастайды.
Қазақстан Республикасының Ұлттық мұражайы көшпелі кезеңнен басталып, бүгінгі күнге дейінгі елдің бүкіл тарихын қамтиды. Мұражайдың әшекейі - 2400 жыл бұрын өмір сүрген төрт мыңнан астам алтын зергерлік бұйымдармен безендірілген ежелгі сақ жауынгері – «Алтын адам». Мұражайда этнология, археология, тарих және қазіргі заманғы өнердің тұрақты көрмелері, сондай-ақ алтыннан жасалған тарихи бұйымдардың екі экспозициясы бар.
Тағы бір туристік тартымдылық - биіктігі 62 метр пирамида түрінде салынған Бейбітшілік және келісім сарайы, онда концерт залдары, конференц-залдар және көрме галереялары орналасқан. Роботпен әңгімелесу үшін және ғарышты бағындыруға және баламалы энергия көздеріне байланысты көрмелер өтетін әлемдегі ең үлкен ғимарат-Экспо-ға бару керек.
Әзірет Сұлтан мешіті Орталық Азиядағы ең үлкен мешіт болып табылады және бір уақытта 30 000 сенушіні қабылдайды. Оның биіктігі 63 метр болатын әлемдегі ең үлкен күмбезі бар, 130 метрлік төрт мұнара Исламның бес тірегін бейнелейтін бес бөліктен тұрады: сенім, дұға, ораза, қайырымдылық және қажылық. 15500 м2 негізгі зал әлемдегі ең үлкен қолдан жасалған кілеммен жабылған. Меккеге қараған қабырға Алланың 99 есімімен және 25 миллион түрлі түсті әйнекпен безендірілген. Қазақстан халқының 70% - дан астамы либералды түрде болса да исламды ұстанады.
Тағы бір көрнекті орын - Думан аквариумы, оның ерекшелігі - ол мұхиттан үш мың шақырымнан астам қашықтықта орналасқан. Бұл далада тұратын мыңдаған адамдардың арманы, теңіздің бір бөлігін көру және су асты патшалығына қарау. Мұнда әлемнің түкпір-түкпірінен 100-ден астам түрдегі екі мың теңіз жануарлары мекендейді. Мөлдір акрил туннелі аквариумның түбімен акулалардан қысқа қашықтықта жүруге мүмкіндік береді.
Тағы бір ерекшелігі - дәстүрлі қазақ шатырларына еліктейтін, бірақ футуристік сәулетімен және он футбол стадионына тең жабық алаңымен «Хан Шатыр» сауда-ойын-сауық кешені. Ішінде 170 дүкен мен 32 мейрамхана мен кафе, аквапарк, толқынды бассейн және минигольф алаңы бар сауда алаңы бар. Бұл әлемдегі ең үлкен жабық шатыр.
Қалада әр бағытта 3-4 жолақтан тұратын кең даңғылдар болса да, көлік қозғалысы ретсіз және тәртіпсіз, жүргізушілер үнемі бір жерге асығады. Қоғамдық көлік көп емес, тек автобустар мен таксилер бар. Қазіргі уақытта жер үсті метро желісі салынуда.
Астана Моңғолиядағы Ұлан-Батырдан кейінгі әлемдегі ең суық екінші астана болып саналады.
Әдетте қаланы бөліп тұрған өзен қарашадан сәуірге дейін қатып қалады. Маусымнан қыркүйекке дейінгі орташа температура 14-тен 26 градусқа дейін ауытқиды, Егер сіз ең төменгі температура минус 20 градус Цельсийге жеткенде, рекордтық төмен -41 градусқа жеткенде, мұзды суықтан және қардан құтылғыңыз келсе, бұл Астанаға барудың ең жақсы уақыты.
Бұл жерлердің гастрономиясында көкөністермен, картоппен немесе кеспемен бірге жылқы еті басым, ал әдеттегі сусын-бие сүті. Дәстүрді ұстанушылардың көпшілігі бұл тағамды ас құралдарымен емес, қолдарымен жейді. Сиыр еті мен түйе еті де дайындалады.
ЮНЕСКО-ның мойындауы
Сондай-ақ, қала маңында ЮНЕСКО-ның Бүкіләлемдік мұрасы болып табылатын Қорғалжын қорығы сияқты көрікті жерлер бар. Бұл жабайы сұлулығы мен далада орналасқан тұщы және тұзды көлдерінің арқасында табиғат әуесқойлары үшін міндетті түрде бару керек орын. Бұл аумақтың биоәртүрлілігі өсімдіктердің 500-ден астам түрін және су мен құрлықтағы жануарлардың 1400-ден астам түрін қамтиды.
Отанын сатқындар әйелдеріне арналған концлагерь АЛЖИР - кеңестік дәуірде 18000-нан астам әйел ұсталған атышулы түрме. Олардың жалғыз қылмысы - олар әншілер, суретшілер мен жазушылар немесе саяси себептермен коммунистік режим қудалаған танымал мемлекет пен қоғам қайраткерлерінің әйелдері болды.
Сіздің білуіңізді қажет ететін бірнеше жалпы жайттарды атап өтейік. 30 күнге дейінгі туристік және іскерлік сапарлар үшін виза қажет емес. Төлқұжат алты айдан астам уақытқа жарамды болуы керек. Ең көп таралған тілдер-қазақ және орыс тілдері, ағылшын тілі жастар арасында кең таралған.
Қала барлық жерлерінде банкоматтар орнатылып, несие карталары қонақ үйлерде, мейрамханаларда және дүкендерде қабылданады. Қолма-қол төлемдер тек жергілікті валютада, теңгеде жүзеге асырылады.
Қаладағы қауіпсіздік жоғары деңгейде. Ол әуежайға келгеннен кейін бірден байқалады және сіз полиция патрульдерін бүкіл қалада жиі кездестіретін боласыз.
Жуау Сена – «Nascer do Sol» тілшісі
