БҰҰ Қазақстанға гендерлік зорлық-зомбылықтың барлық түрлерін жою жолындағы маңызды қадам болған тұрмыстық зорлық-зомбылықты қылмыстық деп санайтын заң қабылдағаны үшін алғысын білдіреді. Бұл заңнамалық шешім Қазақстанның адам құқықтарын сақтауға бейімдігі, әсіресе әйелдер мен балаларды тұрмыстық зорлық-зомбылықтан қорғауға деген ұмтылысын көрсетеді. Тұрмыстық зорлық-зомбылықты қылмыстық деп санау арқылы Қазақстан «мүлдем төзбеушілік» саясатын жариялап, айыптылардың заң алдында жауап беретінін анық көрсетуде. Бұл маңызды қадам гендерлік теңдікті ілгерілетіп қана қоймай, тұрмыстық зорлық-зомбылықтан зардап шеккендердің өмірлерін қалпына келтіру үшін сот төрелігі мен әлеуметтік қолдау қызметтеріне қол жеткізуін қамтамасыз етеді, деп хабарлайды DKNews.kz.
БҰҰ Қазақстанды осы заңды тиімді іске асыру және орындау бойынша күш-жігерін жалғастыруға шақырады, соның ішінде тұрмыстық зорлық-зомбылық туралы хабардарлықты арттыру, деректер жинау мен хабарлауды күшейту, алдын алу қызметтерді кеңейту, ата-ана тәрбиесінің дағдылары бағдарламаларына қолжетімділікті қамтамасыз ету, құқық қорғау және сот қызметкерлерін оқытуды жақсарту және зардап шеккендерге қолдау көрсету механизмдерін құру жатады. Бұл кешенді тәсіл барлық адамдар өз үйінде қорқынышсыз және зорлық-зомбылықсыз өмір сүре алатын қоғам құру үшін қажет. БҰҰ гендерлік зорлық-зомбылықты жою және оның барлық азаматтарына құрмет, теңдік және қадір-қасиет мәдениетін ілгерілету бойынша Қазақстанға қолдау көрсетуге дайын.
