Пәкістан астанасының басшылығы Астанамен ынтымақтастықты дамытуға ниетті, деп хабарлайды DKNews.kz.
Қазақстанның Пәкістандағы Елшісі Ержан Қыстафин астананы дамыту басқармасының төрағасы (әкімі) Анвар ул-Хақпен кездесті.
Тараптар Астана мен Исламабад арасында экономикалық ынтымақтастық орнату, қала құрылысы, инфрақұрылым және абаттандыру, мәдени алмасу және туризм салаларында тәжірибе алмасу сияқты түрлі салалардың кең ауқымын қарастыра отырып, ынтымақтастық орнату мәселелерін талқылады.
Е. Қыстафин ағымдағы Қазақстан-Пәкістан күн тәртібіне тоқтала келе, аймақтық жергілікті билік деңгейіндегі байланыстарды кеңейтуге баса назар аударды. Ол Астана мен Исламабадтың астаналық биліктері арасындағы диалогты нығайтудың айтарлықтай әлеуетін атап өтті.
Өз кезегінде Исламабад басшысы Астанамен ынтымақтастықты дамытуға қызығушылық танытып, сауда-экономикалық және мәдени-гуманитарлық өлшемдерді басымдықтар ретінде атап өтті. Ол бірінші қадам ретінде әлеуетті салалар мен бірлескен жобаларды анықтау үшін онлайн келіссөздер ұйымдастыруды ұсынды.
Анвар уль-Хақ Қазақстан дамуының әлеуметтік моделіне де қызығушылық танытып, еліміздің этносаралық және конфессияаралық диалогты нығайтудағы жетістіктерін атап өтті.
