Қазақстандық ғалымдар шетелдік әріптестерімен тәжірбие алмасты, деп хабарлайды DKnews.kz.
А. Бараев атындағы астық шаруашылығы орталығы халықаралық күздік бидай бағдарламасы аясында шетелдік қонақтарды қабылдады. Түркия және Ресей елдерінен келген ғалымдарға орталықтың жұмысы таныстырылып, басшысы Тимур Савин ауыл шаруашылығы саласындағы жаңа селлекциялық жетісітктерді көрсетті. Сондай-ақ қонақтар күздік бидайға арналған арнайы егістіктер мен эксперименттік учаскелердің соңғы зерттеулерін көрді.
Егін станцияларында жүргізіліп жатқан жұмыстар аясында қонақтар ғалымдардың ғылыми жұмыстарымен танысып, жаздық жұмсақ және қатты бидайға мамандандырылған селекциялық питомниктердің жұмысын тамашалады.
Шетелдік сарапшылар отандық күздік бидай дақылдарын жоғары бағалады, ауыл шаруашылығы саласы үшін маңызды боп саналатын дақылдар Қазақстанның солтүстік өңірлерінде селекциялық ғылыми зерттеулер аймағын кеңейтуге мүмкіндік береді.
Шара қатысушылары кездесудің жоғары деңгейде өтті деп баға берді. Сонымен қатар, қазақстандық ғалымдардың жасаған еңбегін жоғары бағалап, алдағы уақытта ауқымды жобаларды бірлесе атқаруға ниет білдірді.
