«Заңды тұлғаның цифрлық сенімхаты сервисі» «eGov Business» қосымшасында қолжетімді, деп хабарлайды DKnews.kz.
«EGov Business» мобильді қосымшасында заңды тұлғаның цифрлық сенімхатын ресімдеуге арналған сервис қолжетімді.
Бұл қызмет ұйым басшыларына өз қызметкерлеріне сенімхат беру процесін едәуір жеңілдетеді және жеделдетеді.
Бұған дейін заңды тұлғалардың басшылары сенімхаттарды тек қағаз түрінде ресімдеген, бұл көлік шығындары мен кеңсе тауарларына белгілі бір уақыт пен қаржылық шығындарды талап еткен, сондай-ақ мұндай сенімхаттардың заңдылығын тексеру мүмкіндігі болмаған.
Енді заңды тұлғалардың басшылары ЭЦҚ-ға қол қою арқылы өз қызметкерлеріне онлайн форматта сенімхаттарды оңай және қауіпсіз бере алады, бұл ұйым ішіндегі өзара іс-қимылды одан да тиімді, ашық және ыңғайлы етеді.
Онлайн сенімхат беру үшін пайдаланушыға:
- eGov Business мобильді қосымшасына кіру керек;
- басты бетте «сенімхаттар» қойындысына кіріп, «сенімхат құру» батырмасын басу керек;
- қажетті жолдарды толтырып, «сенімхат жасау» түймесін басып, содан кейін «қол қою» қажет.
Сенім білдірілген тұлғаға қол қойылғаннан кейін eGov Mobile қосымшасының жеке кабинетіне хабарлама келеді. Бұдан әрі қолданыстағы сенімхат туралы ақпарат «цифрлық құжаттар» бөлімінде сақталады. Өз кезегінде, заңды тұлғаның бірінші басшысының EGOV Business қосымшасының «сенімхаттар» қойындысында бұрын берілген барлық сенімхаттармен танысу мүмкіндігі бар.
Онлайн сенімхат - бұл компанияның атынан жедел әрекет етуге мүмкіндік беретін сенімхаттарды басқарудың заманауи және қауіпсіз әдісі.
Сервис Әділет министрлігімен, ЦДИАӨМ және «ҰАТ» АҚ бірлесіп іске қосылды.
