Италия елшісі Қазақстандағы ТОП-3 туристік бағытты атады, деп хабарлайды DKnews.kz.
Қазақстандағы 🇮🇹 Италияның төтенше және өкілетті елшісі Марко Альберти «Born Bold. Travel Boldcast» подкастында Қазақстандағы саяхаттары туралы өз әсерлерімен бөлісті.
Дипломат «Kazakh Tourism» АҚ Басқарма төрағасы Қайрат Сәдуақасовпен сұхбат кезінде еліміздегі ең сүйікті үш туристік бағытты атады.
Елші Қазақстанды жиі аралайды. Ол Маңғыстау, Алматы облысындағы көлдер (оның ішінде Көлсай, Қайынды, үлкен Алматы көлі) және Шығыс Қазақстандағы Алтай тауларын өзінің ең сүйікті туристік бағыттары деп атады.
Дипломат үшін Шығыс Қазақстанға саяхаты ең жарқын әрі есте қаларлық сапарлардың бірі болған.
«Шығыс Қазақстанға сапар тауларға жасаған ең жақсы саяхаттардың бірі болды. Табиғатпен нағыз байланыс тәжірибесі – өте сирек кездесетін нәрсе. Шынайы тыныштық тәжірибесі Италияда өте қиын табылды Шынайы қараңғылық тәжірибесі... Мен балаларымды каньонға алып бардым. Біз жаңа қонақүйде түнедік, кейін бірнеше сағат бойы далада болып, аспанды тамашаладық. Каньон ортасында жұлдызды аспанды көру - ерекше тәжірибе» Марко Альберти
«Born Bold. Travel Boldcast» подкасты – Қазақстанның туризміне арналған алғашқы ағылшын тіліндегі жоба. Оның негізгі мақсаты – елді туристік бағыт ретінде ілгерілету, оның мәдениеті, дәстүрлері мен табиғи байлықтарымен тереңірек таныстыру.
