2025 жылғы 17 ақпанда Париж қаласында (Франция) "KazAID" Қазақстандық халықаралық даму агенттігінің төрағасы Аркен Арыстанов Қазақстан Республикасының Франция Республикасындағы Елшілігі өкілінің қатысуымен Француз даму агенттігінің (ФАР/AFD) Азия департаментінің директоры Сириль Белльемен кездесті, деп хабарлайды DKnews.kz.
Тараптар KazAID және AFD халықаралық даму саласындағы ынтымақтастықты нығайту мәселелерін қарады, сондай-ақ 2025-2027 жылдарға арналған әріптестіктің әлеуетті басым бағыттарын және тұрақты даму мақсаттарына сәйкес салалардағы бірлескен бастамаларды талқылады.
Тараптар серіктестік туралы меморандумға қол қою мүмкіндігіне үлкен мән берді.
Француз тарапы халықаралық даму саласындағы одан әрі ынтымақтастыққа қызығушылық танытты. Тараптар ынтымақтастықтың әлеуетті бағыттарын кеңейтуге келісті.
AFD тобы Францияның тұрақты даму және халықаралық ынтымақтастық саясатын жүзеге асыруға өз үлесін қосуда. Топтың құрамына мемлекеттік сектор қаржыландыратын Француз даму агенттігі (AFD), ҮЕҰ, зерттеу және оқыту кіреді; оның жеке секторды қаржыландыратын және қолдайтын еншілес Proparco компаниясы; техникалық ынтымақтастық агенттігі Expertise France кіреді. AFD әділетті және тұрақты әлем құру үшін қажетті өтпелі кезеңдерді қаржыландырады, қолдайды және жеделдетеді.
