Кишинёвте қазақстандық тың жерлерді игеруге молдовандардың қатысуы талқыланды, деп хабарлайды DKNews.kz.
Молдованың Ұлттық мұрағат агенттігі мен Ұлттық кітапханасы Қазақстанның Молдовадағы Елшілігімен бірлесіп «Молдавандардың 1950-1960 жылдары Қазақстанда тың жерлерді игеруіне қатысуы: әлеуметтік-тарихи контекст, барысы, салдары» тақырыбында дөңгелек үстел өткізді.
Дөңгелек үстел аясында ұйымдастырушылар қатысушылардың назарын Қазақстан және Молдова үшін де маңызды тарихи оқиғаға аударып, тиісті әлеуметтік-саяси контексте, екі қоғамның дамуы үшін құқықтық база мен салдарлар тұрғысынан мәлімет берді.
Аталған тақырып аясында іс-шара мұрағат, кітапхана, мұражай және университет материалдарын академиялық және мәдени пайдалану мүмкіндіктері мен перспективаларын талқылауға арналған алаң болды. Дөңгелек үстел барысында Қазақстанның тың жерлеріне Молдовадан келген еріктілердің еңбек жағдайларына және жұмыс күндеріне ерекше назар аударылды.
Баяндамашылар тың жерлерді игерудің алғашқы жылдарында Қазақстанға жүздеген мың КСРО азаматтары, соның ішінде Молдова КСР тұрғындарының едәуір бөлігі келгенін атап өтті. 1954-1960 жылдардағы мелиорациялық жұмыстардың нәтижесінде 41 836 мың га жаңа жер, оның ішінде 25 484 мың га (61 %) - Қазақ КСР аумағында, негізінен солтүстік облыстарда: Көкшетау, Қостанай, Павлодар, Солтүстік Қазақстан, Торғай және Целиноград облыстарында игерілді.
Қазақстан Елшісі Алмат Айдарбеков өз сөзінде тарихқа көз жүгірте отырып, Қазақстан мен Молдованың жаңа байланыстарына, оған мүмкіндік берген тұлғаларды көрсетуде бұл іс-шараның маңыздылы болғанын атап өтті. Сондай-ақ, ол тың жерлерді игерудің Қазақстан мен Молдова үшін демографиядан мәдени байланыстарға дейінгі ұзақ мерзімді салдарын зерттеуді ұсынды.
Молдованың бұрынғы Жастар және спорт министрі Октавиан Цыку «Естелік эскпедициясы» аясында Қазақстанға сапары, оның барысында молдавандардың Қазақстанның тың жерлерін игеруге қатысуына қатысты зерттеулер жүргізгені туралы айтты. Сонымен қатар, ол қазіргі уақытқа дейін байланыстырушы рөл атқаратын молдовандықтар мен қазақстандықтар арасындағы қалыптасқан тығыз, жеке-мәдени қарым-қатынастарына да тоқталды.
