Өзбекстан Республикасы Қазақстанмен шекарадағы «Дәуіт-ата» өткізу пунктіндегі шектеулерді ұзартады, деп хабарлайды DKNews.kz.
Өзбекстан Республикасы Экономика және қаржы министрлігі жанындағы Кеден комитетінің «Дәуіт-ата» БӨП Өзбекстан-Қазақстан мемлекеттік шекарасынан өтетін жеке тұлғалар мен көлік құралдарының қауіпсіздігін қамтамасыз ету мақсатында осы өткізу пункті арқылы жеке тұлғалардың, жеңіл автомобильдер мен автобустардың қозғалысын шектеуді ұзартады. Бұл өткізу пунктін қайта құру бойынша жүргізіліп жатқан жұмыстарға байланысты.
БӨП-ның іргелес жағы қазақстандық «Тәжен» өткізу пункті (Бейнеу ауданы, Маңғыстау облысы) болып табылады.
