Оманның астанасы Маскатта «Астанада өткен Әлем және дәстүрлі діндер лидерлері съезі - тұрақты дінаралық диалогтың моделі» тақырыбында дөңгелек үстел өтті, деп хабарлайды DKNews.kz.
Іс-шараға:
- Оман Сұлтанатының Бас мүфтиі кеңсесінің бас хатшысы шейх Ахмад бин Сауд бин Саид Ас-Сияби,
- Оман Сұлтанатындағы Өзбекстанның Елшісі Абдусалом Хатамов,
- сарапшылар мен БАҚ өкілдері қатысты.
Қатысушылар Қазақстан тәжірибесіне ерекше назар аударды - ел халықаралық деңгейде сенім мен диалог алаңын қалай қалыптастырғанын талқылады.
Астана - сөзге құлақ асатын алаң
Қазақстанның Елшісі А.Туматов форумның құрылу тарихына, даму кезеңдеріне тоқталып, 17-18 қыркүйекте өткен VIII Съездің негізгі нәтижелерін баяндады.
Оның айтуынша, Съезд түрлі дін өкілдері бейбітшілік, жауапкершілік және адамгершілік құндылықтары туралы шынайы диалог жүргізетін маңызды платформаға айналды.
«Дін - бейбітшіліктің бастауы болуы тиіс»
Шейх Ахмад Ас-Саяби 2022 жылы өткен VII Съезге қатысқан сәттері туралы жылы естеліктерімен бөлісті.
Ол Астанадағы форум:
- дінаралық диалогты нығайтатынын,
- сенім атмосферасын қалыптастыратынын,
- бейбітшілік мәдениетін дамытатынын атап өтті.
Оның пікірінше, дін қоғамда бөлінушілік емес, керісінше бірлік, келісім және гармонияның бастауы болуы керек.
Қазақстан мен Оман - бейбітшілік пен төзімділік жолында үндес
Дөңгелек үстелге қатысушылар Астанадағы діни форумның бірегей тәжірибесін атап өтіп, Қазақстан мен Оманның ұстанымдарындағы үндестікті бөліп көрсетті:
- бейбітшілікке басымдық беру,
- өзара құрмет,
- толеранттылық пен түсіністік,
- бірлесіп шешім іздеу.
Диалог - жаһандық тұрақтылыққа қосқан үлес
Кездесу соңында қатысушылар өзара құрмет пен жауапкершілікке негізделген диалогты жалғастыру әлемдік тұрақтылық пен өзара түсіністі нығайтуға маңызды үлес қосатынын атап өтті.
