24 желтоқсан 2025 жылы Мазари-Шариф қаласында Қазақстан делегациясының жұмыс сапары өтті. Делегацияға Ауғанстандағы Қазақстан Республикасының Төтенше және Өкілетті Елшісі Галымжан Ақбасов және Қазақстан Сауда үйінің өкілдері жетекшілік етті. Бұл сапар ресми кездесуден гөрі, ынтымақтастықты нақты іске айналдыру жайлы әңгіме болды, деп хабарлайды DKNews.kz.
Ауған тарапы: Қазақстан - өңірдегі басты әріптес
Балх провинциясының губернаторы Мохаммад Юсуф Вафа қабылдау кезінде Қазақстанмен ынтымақтастықтың басымдығын атап өтті. Ол Қазақстанның өңірдегі жетекші рөліне ерекше тоқталды және әріптестікті одан әрі нығайтуға дайын екенін жеткізді.
Тараптар сауда, инфрақұрылым және бірлескен жобаларды талқылады. Ауған тарапы бұрын айтылған бастамаларды еске салды:
- мектеп салу
- 200 орындық аурухана
- сондай-ақ Мазари-Шарифте муниципалдық кешен құру идеясы
Бұл жобалар ұзақ мерзімді серіктестіктің бір бөлігі ретінде қарастырылып отыр.
«Хайратон» арқылы логистика және бизнеске қолдау
Қазақстан солтүстік провинциялармен тұрақты сауданы нығайтуға және «Хайратон» шекаралық өткізу пункті арқылы логистиканы дамытуға дайын екенін растады.
Бұл бағыт азық-түлік, құрылыс материалдары және басқа да тауарларды жеткізуді едәуір жеңілдетуі мүмкін.
Губернатор Балх провинциясының сауда делегациясымен бірге Қазақстанға сапарлауға ниетін білдіріп, қазақстандық бизнеске қолдау көрсетуге дайын екенін атап өтті.
Сонымен қатар, тараптар өңірлік тұрақтылық, гуманитарлық өзара іс-қимыл және бизнес байланыстар бойынша диалогты жалғастыруға уағдаласты.
Сауда-инвестициялық палатадағы кездесу: бизнес және инвестиция
Елші Балх провинциясының Сауда-инвестициялық палатасының төрағасы Мохаммад Ибрахим Газанфармен де кездесті.
Кездесуде нақты мәселелер көтерілді:
- сауданы кеңейту
- ауған жемістерін Қазақстанға экспорттау
- қазақстандық өнімдерді жеткізу
- бірлескен инвестициялық жобалар
Бөлек тақырып - Ауғанстанның тау-кен саласы. Қазір бұл салада бәсеке жоғары, ал ауған тарапы Қазақстанды сенімді серіктес ретінде көреді.
Сондай-ақ Мазари-Шарифте Қазақстан Сауда үйінің бөлімшесін ашу және «Газанфар» банкімен бірлескен сауда платформасын пайдалану ұсынылды.
Келіссөздер қорытындысы бойынша тараптар сауда-экономикалық әріптестікті белсенді дамыта беруге дайын екендерін растады.
Бұл Қазақстанға не береді
Бұл сапар Қазақстанның Ауғанстан бағытындағы прагматикалық саясатының жалғасы болды.
Қазақстан үшін бұл:
- нарықтарды кеңейту
- логистикалық бағыттарды нығайту
- отандық бизнесті қолдау
- экономикалық арқылы өңірлік тұрақтылықты күшейту
Ал Ауғанстан үшін - тауарларға, инвестицияға және инфрақұрылымдық шешімдерге қолжетімділік.
