Қазақстандық креаторлар TikTok LIVE-тің жаһандық сахнасында өз орнын нық бекітті. TikTok LIVE Fest 2025 фестивалінің қорытындысы бойынша еліміздің бірнеше LIVE-креаторы халықаралық деңгейде мойындалып, жергілікті қауымдастықтың ықпалы артып келе жатқанын көрсетті, деп хабарлайды DKNews.kz.
Өткен жыл TikTok LIVE үшін қарқынды өсім кезеңі болды. Оңтүстік-Шығыс Азия, Кавказ және Орталық Азия өңірлерінде 100 миллионнан астам креатор TikTok платформасында тікелей эфир өткізді. Осы серпінді дамудың шарықтау шегі — TikTok LIVE Fest онлайн-фестивалі болды. Оның аясында Қазақстанды қоса алғанда, бүкіл өңірден 5 миллионнан астам креатор бір алаңға жиналды.
Әлемдік деңгейдегі финал — Пхукетте
Стриминг қауымдастығы үшін маңызды жаһандық оқиға саналатын TikTok LIVE Fest 2025 ауқымды офлайн-финалмен аяқталды. Фестивальдің шешуші кезеңі — #LIVEFest25Phuket өңірлік финалы Таиландтың Пхукет аралында өтті.
Финалға Оңтүстік-Шығыс Азия, Кавказ және Орталық Азия елдерінен келген 200-ден астам жетекші LIVE-креатор қатысты. Мұнда фестиваль қорытындыланып, халықаралық мойындауға ие болған ең үздік стримерлер марапатталды. Қатысушылар TikTok LIVE қауымдастығының мәдени алуантүрлілігін көрсетіп, тікелей эфирлердің әртүрлі елдер мен мәдениеттер арасындағы жанды байланыс орнатудағы маңызын атап өтті.
LIVE-контенттің алуан түрлілігі
Фестиваль барысында бірнеше апта бойы креаторлар тікелей эфирге шығып, аудиторияны тарту, креативтілік және қауымдастықпен өзара әрекеттесу бойынша бақ сынады. Қатысушылардың рейтингтері өсіп, көрермендердің белсенділігі артты.
LIVE-контенттің форматы да айтарлықтай кеңейді — музыка мен геймингтен бастап білім беру және еркін әңгіме форматтарына дейін. Бұл TikTok LIVE-тің тек ойын-сауық емес, мазмұнды әрі кәсіби ортаға айналып келе жатқанын көрсетті.
TikTok LIVE өңірде қалай өсіп жатыр
2025 жылы аталған өңірлерде TikTok-та тікелей эфир өткізген креаторлар саны 77 пайызға артты. Айта кетерлігі, олардың жартысынан көбі LIVE форматты алғаш рет қолданған. Бұл стриминг қауымдастығының белсенді түрде кеңейіп, жаңа қатысушылармен толығып жатқанын дәлелдейді.
TikTok LIVE бүгінде креаторлар үшін:
- өз талантын дамытуға,
- қауымдастық құруға,
- халықаралық аудитория табуға,
- шығармашылықты тұрақты мансапқа айналдыруға мүмкіндік беретін ортаға айналды.
Қазақстандық LIVE-креаторлардың халықаралық жетістігі
LIVE Fest 2025 фестивалі аясында бірнеше қазақстандық креатор халықаралық мойындауға ие болды. Жеңімпаздар қатарында:
- Анар Батырхан (@anarbatyrkhan) — актриса әрі әнші. Оның музыкалық LIVE-эфирлері жанды концерт атмосферасын қалыптастырып, ауқымды аудиторияны біріктіреді;
- Руслан Нұртазин (@omgdnss) — эфирлері ойын-сауық шеңберінен шығып, түрлі елдердің көрермендері үшін мәдени диалог алаңына айналған стример;
- Жоламан Мұхамбетуллин (@syn_king_90) — LIVE формат арқылы қауымдастық тартудың және шынайы қарым-қатынастың маңызын көрсеткен креатор.
Қазақстанның таланты — тікелей эфирде
Әсіресе Анар Батырхан «Talent Awards» номинациясының жеңімпазы атанды. Оның музыкалық эфирлері көрермендердің ерекше ықыласына ие болды.
Әншінің айтуынша, TikTok LIVE форматы тыңдармандармен делдалсыз, тікелей байланыс орнатуға мүмкіндік береді. Бұл «осы жерде және дәл қазір» форматындағы шынайы диалог музыка индустриясын жаңа есімдер үшін барынша ашық етеді.
Қазір Анара жаңа тректер, коллаборациялар мен визуалды жобалар әзірлеп, TikTok LIVE бағытындағы жұмысын белсенді түрде жалғастырып келеді.
Қазақстан — TikTok LIVE жаһандық қауымдастығының бір бөлігі
TikTok өкілдерінің айтуынша, қазақстандық креаторлардың LIVE Fest 2025 фестиваліндегі жетістігі олардың ықпалы мен жоғары белсенділігін айқын көрсетеді.
«Орталық Азия мен Кавказ елдерінің стримерлер қауымдастығы @tiktoklive_eecca өңір креаторлары үшін тартылыс орталығына айналды. Мұнда олар қолдау табады, форматтармен тәжірибе жасайды және аудиториясымен нақты уақыт режимінде қарым-қатынас орнатады. Мұндай қауымдастықтар тұрақты LIVE мәдениетті қалыптастырып, кәсіби дамуға жаңа мүмкіндіктер ашады», — деп атап өтті TikTok.
