4–5 қыркүйекте Sokol автодромында BMW M Festival Kazakhstan 2026 фестивалі өтті. Қонақтар кәсіби нұсқаушылардың жетекшілігімен спорттық көліктерді сынап көрді, ал бағдарламаға қатысқан 15 автомобильдің бір бөлігін BMW AG осы шара үшін Мюнхеннен арнайы жеткізді.
фотосуретші Виктор Магдеев
DKNews.kz редакциясы фестивальге BMW шақыруымен барды. Іс-шараны Astana Motors құрамындағы BMW-ның Қазақстандағы ресми дистрибуциясы ұйымдастырды.
фотосуретші Виктор Магдеев
Автодромға шамамен 500 адам жиналды. Олардың арасында BMW M иелері, BMW M Club мүшелері, бренд жанкүйерлері және Қазақстан, Қырғызстан, Өзбекстан, Әзербайжан мен Беларусьтен келген қонақтар болды.
Қатысушыларға көлікті танып-білудің бірнеше жолы ұсынылды: фестиваль автопаркіндегі машинаны өздері жүргізу, кәсіби пилоттың жанында жолаушы болып отыру немесе трассаға өз автомобилімен шығу.
M2, M3 Sedan және M3 Touring Мюнхеннен жеткізілді
Фестиваль бағдарламасына BMW M2, BMW M3 Sedan, BMW M3 Touring және BMW M5 Touring кірді. Алғашқы үш модель шараға орай Мюнхеннен жеткізілген автопарк құрамында болды.
фотосуретші Виктор Магдеев
Бір алаңда спорттық автомобильдің бірнеше түрі ұсынылды: шағын купе, седан және универсалдар. Қонақтар олардың жүргізуші әрекетіне қалай жауап беретінін қозғалыс үстінде бағалай алды.
Фестивальдің ашылуына BMW-ның Қазақстандағы дистрибуциясының директоры Бауржан Абенов пен BMW AG компаниясындағы BMW M өңірлік менеджері Георгий Рожков қатысты.
фотосуретші Виктор Магдеев
Тректегі бағдарламаны BMW M сертификаты бар бес нұсқаушы жүргізді: Владимир Кулев, Мартин Колев, Кристиан Колев, Александр Николов және Лучезар Шумков.
M5 Touring қуаты 727 ат күшіне жетеді
Фестивальдегі M3 Touring мен M5 Touring күнделікті қолданысқа арналған шанақ пен спорттық техниканың қалай үйлесетінін көрсетті. Универсал жолаушылар мен жүк тасуға қолайлы болғанымен, бұл модельдердің құрылымы тректегі жүктемеге де есептелген.
фотосуретші Виктор Магдеев
Мәселен, қазіргі сериялық толық жетекті BMW M3 Competition Touring M xDrive қатар орналасқан алты цилиндрлі бензин қозғалтқышымен жабдықталған. Оның қуаты — 530 ат күші. Өндірушінің мәліметінше, автомобиль орнынан сағатына 100 шақырымға дейін 3,6 секундта үдейді.
Мұндай динамикаға көліктің өзге тораптары да бейімделген. Шанаққа қосымша күшейткіштер орнатылған, амортизаторлардың жұмысын реттеуге болады. Салқындату мен май беру жүйелері жарыс трассасындағы жүктемелерді де ескере отырып жасалған.
фотосуретші Виктор Магдеев
Ал BMW M5 Touring бензин мен электр қуатын қатар пайдаланады. Көлемі 4,4 литрлік V8 қозғалтқышы электрмоторымен бірге жұмыс істейді.
Жүйенің ең жоғары жиынтық қуаты 727 ат күшіне, айналдыру моменті 1000 Н·м-ге жетеді. BMW мәлімдеген 100 шақырым/сағатқа дейінгі үдеу уақыты да — 3,6 секунд.
фотосуретші Виктор Магдеев
Ірі универсалды басқаруға артқы дөңгелектерді бұру жүйесі көмектеседі. Төмен жылдамдықта олар алдыңғы дөңгелектерге қарсы бағытта бұрылып, көліктің бұрылу радиусын азайтады. Жоғары жылдамдықта бір бағытқа бұрылып, тұрақтылығын арттырады.
фотосуретші Виктор Магдеев
Сондықтан бұл универсалдардың автодром бағдарламасына енуі түсінікті: олардың қозғалтқышы, аспасы мен басқару жүйелері қарқынды үдеуге, тежеуге және бұрылыстардан өтуге бейімделген.
Рөлге өзің отыруға да, пилотпен бірге жүруге де болады
Ұйымдастырушылар төрт түрлі жүргізу бағдарламасын ұсынды.
фотосуретші Виктор Магдеев
BMW M Fleet кезінде қатысушылар BMW M автомобильдерін тректе өздері жүргізді. Нұсқаушылардың бақылауымен көліктің рөл мен педальға қалай жауап беретінін байқап, берілген тапсырмаларды орындады.
Taxi Drive бағдарламасында рөлге кәсіби пилот отырды. Қонақ жолаушы орнынан жүргізушінің әрекетін және машинаның трассадағы жүрісін бақылай алды.
Автомобиль иелеріне Own Car Track Session ұсынылды. Олар трассаға өз көлігімен шығып, нұсқаушы жүргізген машинаның соңынан топ болып жүрді. Қатысушылар бірдей қарқынды сақтап, қауіпсіз траекториямен жүруді пысықтады.
фотосуретші Виктор Магдеев
Бұл бағдарлама күнделікті мініп жүрген көлікті автодром жағдайында танып-білуге мүмкіндік берді. Жүргізушінің міндеті нақты болды: топтың қарқынын сақтау және белгіленген қозғалыс бағытын дәл ұстану.
фотосуретші Виктор Магдеев
Ал Parcour арнайы дайындалған алаңда өтті. Мұнда қатысушылар маневр жасау, көлікті дәл бағыттау және бақылауда ұстауға арналған тапсырмаларды орындады.
фотосуретші Виктор Магдеев
Барлық бағдарлама топтар мен уақыт аралықтарына бөлінді. Соның арқасында қонақтар таңдаған жаттығуларынан кезекпен өте алды.
Ұзындығы 4,5 шақырымға жуық трасса
Sokol автодромы спорттық жүргізудің түрлі элементін сынауға жағдай жасайды. Автодром сайтындағы трасса сипаттамасына сәйкес, негізгі айналымның ұзындығы 4495 метр, онда 13 бұрылыс бар. Түзу учаскелерінің ұзындығы бір шақырымға дейін жетеді.
фотосуретші Виктор Магдеев
Мұндай конфигурация автомобильдің үдеуін, тежеуін және бағыт ауыстырғандағы жүрісін бағалауға мүмкіндік береді. Ал әр сессияның қарқынын бағдарлама мен нұсқаушылар белгілейді: трассаның мүмкіндігі қатысушы оны барынша жоғары жылдамдықпен өтуге тиіс дегенді білдірмейді.
Қазақстандық қонақтар үшін фестивальдің пайдасы да осында болды. Олар BMW M көліктерімен танысып, елдегі кәсіби автодромда мамандардың жетекшілігімен тәжірибе жинады.
Мототрюктер, тікелей көрсетілім және отбасылық бағдарлама
Трассадағы заездтерді арнайы көрермен алаңдарынан бақылауға болды. Үлкен экрандарда тікелей көрсетілім жүріп, жүргізушілер Азамат Исаханов пен Артур Абрамович өтіп жатқан бағдарламаны түсіндіріп отырды.
фотосуретші Виктор Магдеев
Литвадан келген кәсіби мотокаскадер Шарунас Кезис жеке шоу ұсынды. Sheras Zyske лақап атымен танымал спортшы BMW мотоциклдерінің бірнеше түрімен күрделі трюктер көрсетті.
фотосуретші Виктор Магдеев
Музыкалық бағдарламаға алматылық диджей әрі промоутер Arsen Superfly жауап берді. Заездтер арасында қонақтар жарыс симуляторларын байқап көріп, интерактивті алаңдарда, демалыс және тамақтану аймақтарында уақыт өткізді.
фотосуретші Виктор Магдеев
Фестивальге отбасымен келгендер де болды. Балаларға бөлек ойын-сауық ұйымдастырылды, ал көрермендердің автомобильдер жүретін аймақтарға кіруіне шектеу қойылды.
Әр заезд нұсқамадан басталды
Трассаға шығар алдында қатысушылар міндетті нұсқамадан өтті. Қозғалысты бастауға Race Control — заездтерді басқару қызметі рұқсат берді. Барлық сессия нұсқаушылардың жетекшілігімен жүргізілді.
фотосуретші Виктор Магдеев
Көлікті өз бетінше басқару үшін жүргізуші куәлігі талап етілді. Қатысушылар кестені сақтап, автодром командасының нұсқауларын орындауға міндетті болды. Бұл талап өз автомобилімен шыққан жүргізушілерге де қатысты.
«BMW M Festival M автомобильдерінің мінезін, басқару дәлдігін және инженерлік мүмкіндіктерін барынша танытатын ортада — кәсіби тректе көруге мүмкіндік береді. Біз үшін жарқын әсердің жауапкершілікпен көлік жүргізумен, нақты ережелермен және тәжірибелі нұсқаушылардың жұмысымен ұштасуы аса маңызды», — деді BMW-ның Қазақстандағы дистрибуциясының директоры Бауыржан Әбенов.
фотосуретші Виктор Магдеев
Бұған дейін осы автодромда өткен ұқсас іс-шара туралы жазған едік. Porsche Track Experience Kazakhstan 2026 жөніндегі репортажымызда редакциямыз танысқан спорттық көліктер мен үдеу, тежеу және басқару жаттығулары туралы толығырақ баяндадық.
