№ 2 Оқушылар сарайында өткен "Жыл оқушысы – 2022" XI Қарағанды қалалық фестивалінде жылдың үздік оқушылары анықталды, деп хабарлайды Деловой Қазақстан.
Байқауға 200-ден астам адам қатысып, финалға 26 адам өтті.
Алғашқы турларда оқушылар эссе жазып, шешендік өнерден жарысты және қазылар алқасына жетістіктер портфолиосын ұсынды.
"Финалдық кезеңде олар өздерінің қызығушылықтары туралы айтып, әртістік таланттарын көрсетті. Әр қойылым қызықты және ерекше болды", - деп атап өтті байқауды ұйымдастырушылар.
Финалистер әр түрлі ұпай жинады, олардың ішіндегі ең жоғарғысы бойынша жеңімпаздар анықталды. Үздіктер 6-шы және 11-ші сынып оқушылары арасында таңдалды.
Түлектер арасында "Жыл оқушысы – 2022" атағына Мөлдір Жақанова (Ә. Бөкейхан атындағы БМ) және Александр Плуталов (№2 лицей) ие болды.
– Мен бұл байқау туралы алғаш рет жетінші сыныптан сегізінші сыныпқа ауысқан кезде білдім. Менің сыныптастарымның бірі оған қатысты. Дәл сол кезде мен алдыма ең үздік оқушы атағына қол жеткізу мақсатын қойдым, – дейді Мөлдір Жақанова. – Бірақ мұндай мүмкіндік маған тек осы жылы ғана берілді. Мен өз мақсатыма жеттім. Бізді алда ҰБТ күтіп тұр, мен журфакқа түскім келеді. Елордада немесе Алматыда оқуды жоспарлап отырмын. Мен өз күшіме сенімдімін және мектеп оқушыларына тестілеудн сәттілік тілеймін.
Сондай-ақ, "Жыл оқушысы – 2022" атағын Софья Кириллова (Ғабиден Мұстафин атындағы БМ, 6-сынып), Назар Мұсаперов (Шәкәрім атындағы гимназия, 7-сынып), Дилек Тулум (Сәкен Сейфуллин атындағы гимназия, 8-сынып), Нұрдана Ибрагимова (№ 54 ЖББМ, 9-сынып) және Әнел Шәкенова (Мағжан Жұмабаев атындағы гимназия, 10-сынып) иеленді.
Байқаудың барлық жеңімпаздары мен жүлдегерлері дипломдармен, медальдармен және естелік сыйлықтармен марапатталды.
Байқау "Дарынды балалар" жобасының бір бөлігі болып табылады және оқушылардың білім сапасын арттыру, оларды өзіндік зерттеу және шығармашылық жұмысқа тарту және олардың көшбасшылық қасиеттерін қалыптастыру үшін өткізіледі.
