Әл-Фараби атындағы Қазақ ұлттық университеті Халықаралық балаларды қорғау күнін ерекше атап өтті. Игі шараны ҚазҰУ қызметкерлерінің «Парасат» кәсіподағы және Дене тәрбиесі кафедрасы ұйымдастырды. Кәсіподақ төрағасы Талғат Мекебаев барлық балалар мен олардың ата-аналарын құттықтап, сөз сөйледі, деп хабарлайды DKNews.kz.
Балаларды қорғау күні мерекесі аясында «Парасат» ҚазҰУ қызметкерлерінің кәсіподағы әртүрлі жастағы балалар арасында дәстүрлі шахмат спартакиадасын, «Заттардың екінші өмірі» атты қайта өңделетін материалдардан жасалған бұйымдар байқауын өткізді. Ұйымдастырушылар атап өткендей, конкурсқа қайталама шикізат пен тұрмыстық қалдықтарды міндетті түрде пайдалана отырып, сәндік-қолданбалы шығармашылықтың әртүрлі түрлерінен жасалған жұмыстар ұсынылды: пластикалық бөтелкелер, полиэтилен пакеттер, пайдаланылған бір реттік ыдыс-аяқтар мен қаптамалар. Барлық конкурстар мен үздік жұмыстардың жеңімпаздарына сыйлықтар, грамоталар және тәттілер табыс етілді.
Мерекеде балалар ата-аналарымен бірге спорттық эстафета мен асфальтқа сурет салу байқауына қатысты. Сондай-ақ балалар үшін Әл-Фараби кітапханасы мен биология факультетінің мұражайына экскурсия ұйымдастырылды. Алматы циркінің әртістері балаларға арнайы мерекелік қойылым көрсетті.
