Алматы қаласының әкімі Ерболат Досаевтың Түрксіб ауданы халқымен кездесуі барысында түскен өтінішке орай 12 маусымнан бастап Жас қанат шағын ауданын Райымбек даңғылымен байланыстыратын жаңа №9 бағыт іске қосылады, деп хабарлайды DKNews.kz.
Ол "Райымбек батыр" метро бекеті аялдамасынан Назарбаев даңғылы бойымен, одан соң Райымбек даңғылы - Сүйінбай көшесімен, әрі қарай Хмельницкий көшесінен «Жас қанат» шағын ауданына дейін барады.
Одан соң көлік бағыт бойынша кері қайтады.
Желіде 8 автобус 8 минуттық жиілікпен жүретін болады.
