ITS 2024 жылдың 7 қарашасында Қазақстан және Орталық Азия қаржы нарықтары үшін тұңғыш индекстік ETF (биржада саудаланатын фонд) бағалы қағаздарымен сауда-саттықты ашты. ITS World индексіне негізделген ETF (тикері: ITSW) қаржы құралының пайда болуына «Астана» халықаралық қаржы орталығының (АХҚО) юрисдикциясындағы жағдайлар мен реттеулер мүмкіндік берді, деп хабарлайды DKnews.kz.
ITS World индексіне негізделген ETF (тикері: ITSW) қаржы құралына алғашқы сауданың бағасы бір данасына 10,1431 АҚШ доллары болды.
«ITSW – кез келген инвестор үшін қолжетімді инвестициялық құрал. Он долларға инвестор Орталық Азия инвесторларына танымал өз аймақтары мен салаларындағы жетекші 50 ірі халықаралық компанияның құнды қағаздар жиынтығын сатып ала алады. Бұл бағалы қағаздардың қатарында Kaspi.kz және KazMunayGas бар. Тәжірибесіз жаңа инвесторлар үшін қазақстандық қаржы нарығында минималды қаржымен инвестициялауды бастау үшін тамаша мүмкіндік. Мұндай портфельді өз бетінше жинау үшін бірнеше жүз мың доллар қажет болар еді» ITS бас директоры Шыңғыс Қанапьянов
ITSW қорының басқарушы компаниясы ретінде IPS Capital компаниясы таңдалды, ол АХҚО -дан жеке инвесторлардың қаржысын басқару лицензиясына ие.
«Шығыс Еуропа мен Орталық Азиядағы ірі қаржы орталығы ретінде біз үшін қор нарығында жаңа инвестициялық құралдардың пайда болуының маңызы зор. ITS АХҚО Қаржылық қызметтер көрсетуді реттеу жөніндегі комитетінен көпжақты сауда алаңы ретінде жұмыс істеуге лицензия алған алғашқы компания атанды. Қазақстандық инвесторлар үшін әртараптандыруға арналған жаңа өнімдердің және әлемнің ірі компанияларына қаражат салу мүмкіндігінің пайда болғанына қуаныштымыз» «Астана» халықаралық қаржы орталығының басқарушысы Ренат Бектұров
«Біз ITSW кез келген қазақстандық инвестордың соның ішінде тәжірибелі инвестордың портфеліндегі негізгі құрал бола алады деп сенеміз. Бұл ұзақ мерзімді инвестициялар үшін де, күндізгі қысқа мерзімді сауда-саттық үшін де жақсы теңдестірілген өнім. Астана уақыты бойынша сағат 10:00-ден келесі күннің сағат 03:45-ке дейін жүргізілетін сауда-саттық инвесторға Қазақстан нарығындағы және Азия, Еуропа, Америка нарықтарындағы кез келген жаңалықтарға жауап беруге мүмкіндік береді» ITS басқарушы директоры Александр Диаковский
Инвесторларға ITSW акцияларымен сауда-саттық жасау ITS сауда алаңына қосылған кез келген брокер арқылы қолжетімді.
ITSW құрамы, нақты уақыттағы динамикасы, индекс әдістемесі және басқа да құжаттар ITS сайтында жарияланған.
