Өрт сөндірушілердің үйлесімді әрекеттері Қазақстанның екі облысындағы үйлерді құтқарды, деп хабарлайды DKnews.kz.
Павлодар облысының өрт сөндірушілері моншаның өртенуін сөндірді.
Бүгін кезекшінің пультіне Тереңкөл ауылында моншаның өртенуі туралы хабарлама келіп түсті.
Оқиға орнына жеткен өрт сөндірушілер, үйге жапсарлас салынған кірпіш моншаның ағаш конструкциялары жанғанын анықтады. Өрттің тұрғын үйге ауысу қаупі болды. Құтқарушылардың жедел және үйлесімді іс-әрекеттерінің арқасында 20 ш.м. алаңда өрт сөндірілді.
Зардап шеккендер жоқ.
Абай облысының құтқарушылары жеке тұрғын үйдегі өртті сөндірді.
Бүгін түнде Семей қаласы 9-линия көшесі бойындағы жеке тұрғын үйдің шатырында өрт орын алды.
Құтқарушылардың үйлесімді әрекеттерінің арқасында оттың таралуына жол берілмеді. Өрт толықтай 135 шаршы метр алаңда сөндірілді, зардап шеккендер жоқ, себебі анықталуда.
Төтенше жағдай туындаған жағдайда 112 нөміріне қоңырау шалыңыз!
