Алматыда әлеуметтік қажеттіліктерге 8,3 млрд теңге бөлінеді, деп хабарлайды DKnews.kz.
Алматы қаласы Қаржы басқармасының басшысы Қанат Сухамбеков мәлімдегендей, қаражаттың бір бөлігі сейсмикалық күшейту және балабақшаларды қайта құруға бағытталады. Атап айтқанда, бұл жұмыстар Си Синхай көшесіндегі және Орбита-3 ықшам ауданындағы балабақшаларда жүргізіледі.
Жұмыстар қосымша 1 млрд теңге қаржыландырудан кейін, 2025 жылдың шілде айында аяқталады.
Сонымен қатар, 9 білім беру нысанын салу және жаңғырту жоспарлануда. Оның ішінде 3 балабақша, 5 мектеп және Саялы ықшам ауданында 1 шығармашылық орталығы бар. Бұған қоса, 26 мектеп заманауи тақталармен және парталармен жабдықталады.
Денсаулық сақтау саласына 460 млн теңге бөлінеді, оның басым бөлігі резидентура студенттері мен медициналық колледждердің 1 206 студенті үшін 120 грант пен шәкіртақыны қаржыландыруға жұмсалады.
Бұл шаралардың арқасында Алматы қаласында мектептер мен балабақшалардағы оқу жағдайын жақсарту, сондай-ақ медициналық қызмет көрсетудің сапасын арттыру жоспарланып отыр.
