Алматыда «Жас Қанат. Балалар-2024» атты екінші республикалық балалар шығармашылығы байқауы өтті, деп хабарлайды DKnews.kz.
Оңтүстік астанада «Жас Қанат. Балалар-2024» атты екінші республикалық балалар шығармашылығы байқауының шымылдығы түрілді. Жобаны ұйымдастырушы – «Азия Дауысы» халықаралық фестивалінің Қоғамдық қоры – Алматы қаласының әкімдігіне осы әлеуметтік маңызы бар бастаманы қолдағаны үшін алғыс білдіреді. Байқауға қатысу балалар үшін тегін болды, ал көрермендер үшін кіру еркін ұйымдастырылды. Бұл көпшілікке дарынды жас орындаушылармен жақын танысып, олардың өнерін тамашалауға мүмкіндік берді.
Еліміздің түкпір-түкпірінен келген таланттар
Биыл байқауға Қазақстанның әр аймағынан 130 өтінім түсіп, олардың ішінен ең үздік 17 қатысушы финалға жолдама алды. Көрермендер финалистердің өнерін сахнадан ғана емес, @zhas.qanat.official және @voice_of_asia_official Instagram парақшалары арқылы алдын ала тамашалап, дауыс беру мүмкіндігіне ие болды.
Қадірлі қазылар алқасы және талапты таңдаудағы қиындықтар
Байқауға қатысушылардың өнерін елімізге танымал мәдениет қайраткерлері бағалады: Қазақстанның еңбек сіңірген қайраткерлері Нұрлан Абдуллин, Айгүл Бабаева, Жамиля Серкебаева, композитор Артық Тоқсанбай, әнші, продюсер, 2000 жылғы «Жас Қанат» лауреаты Нұргүл Нуғуманова, эстрада жұлдызы Парвиз Назаров, сондай-ақ Қазақстанның еңбек сіңірген әртісі, Композиторлар одағының мүшесі Медеу Арынбаев. Биылғы қатысушылардың жоғары деңгейі жеңімпаздарды анықтауды барынша қиындатты.
@ "Жас Қанат" баспасөз орталығы
Вокалдық байқаудың нәтижелері
Қазылар алқасының мұқият сараптауынан кейін жүлделер келесідей бөлінді:
- Гран-при: Азат Сүндетбек (13 жас, Алматы)
- І орын: Інжу Есімжан (12 жас, Талдықорған)
- ІІ орын: София Балғазина (13 жас, Алматы)
- ІІІ орын: Ансар Абдурахман (13 жас, Қарағанды)
Сонымен қатар келесі арнайы жүлделер мен дипломдар табысталды:
- «Надежда» жүлдесі: Қуаныш Баймұхамбетов (Алматы)
- «Азия Дауысы» қорының ұлттық дәстүрді сақтау жүлдесі: Ханшайым Пшан (Алматы)
- Авторлық әнді үздік орындау жүлдесі: Давид Чарлин (Алматы)
- Көрермен көзайымы жүлдесі (Instagram дауыс беруі бойынша): Ансар Абдурахман (Қарағанды)
- Алматы қаласы әкімінің сыйлығы: Ажар Әбдішева (Қарағанды) – 200 мың теңге ақшалай сыйақымен бірге
- Арнайы дипломдармен марапатталғандар: Ажар Әбдішева (Қарағанды), Мади Нұрботалұлы (Алматы), Каусар Бекбосын (Шымкент). Олар да 50 мың теңге мөлшерінде ақшалай сыйақыға ие болды.
Қазылар алқасының мүшелеріне де тосын сый жасалды: Медеу Арынбаев отандық мәдениеттің дамуына қосқан үлесі үшін Мұрат Ирғалиев пен Александр Пономарев атындағы сыйлықпен марапатталды.
@ "Жас Қанат" баспасөз орталығы
Жас мобилографтар байқауы
«Жас Қанат. Балалар-2024» тек ән өнерімен шектелмейді. Оның аясында жас мобилографтар байқауы да өтті. @zhas.qanat.official парақшасынан олардың жұмыстарын тамашалауға болады. Үздік үш лауреат TECNO mobile компаниясының заманауи смартфондары мен фирмалық мерчіне ие болды:
- І орын: Нұрай Бекен (Талдықорған)
- ІІ орын: Абзал Бейсембаев (Қарағанды)
- ІІІ орын: Кербез Тоқтарбай (Жаркент)
Балалар сурет байқауы
Музыкалық шараның дәстүрлі жалғасы ретінде «Балалар «Жас Қанат» және «Азия Дауысы» бейнелейді» атты сурет байқауы өтті. Биыл 206 жұмыс қабылданып, оның 126-сы финалға шықты. Жұмыстар креативті ойлау, ұлттық нақыш, бояу үйлесімділігі және бірегей орындау шеберлігі тұрғысынан бағаланды. Қазылар алқасына суретші-декоратор, Almaty Tutoring балалар дамыту орталығындағы “By ArT” студиясының негізін қалаушы әрі жетекшісі Ажар Төлеубаева төрағалық етті.
@ "Жас Қанат" баспасөз орталығы
Лауреаттар:
- І дәрежелі лауреат: Таисия Черевко (Павлодар)
- ІІ дәрежелі лауреат: Аружан Бисенова (Орал)
- ІІІ дәрежелі лауреат: Аниса Фаррах (Алматы)
Барлық дипломанттар мен жүлдегерлер демеушілер ұсынған дипломдармен және сыйлықтармен марапатталды. Ең үздік жұмыстарды жыл соңына дейін Қазақстан Республикасы Ұлттық кітапханасының 3-қабат фойесінен тамашалауға болады.
Биылғы сурет байқауында алғаш рет демеуші пайда болды – D&D beauty and Cosmetology студиясының негізін қалаушы Дәурен Аяпов лауреаттардың Алматыға ұшақ билеттері мен қаржылай шығындарын өтеп, байқауға қолдау көрсетті.
@ "Жас Қанат" баспасөз орталығы
Толық ақпарат @zhas.qanat.official парақшасында.
Алдағы мерейтойлық 30-шы «Жас Қанат» байқауы
«Азия Дауысы» халықаралық фестивалі Қоғамдық қорының президенті Ирина Ковыряко мерейтойлық 30-шы «Жас Қанат» байқауының міндетті түрде өтетінін мәлімдеді. Оның жайлы толық мәлімет кейінірек жарияланады.
@ "Жас Қанат" баспасөз орталығы
Алғыс білдіру
Ұйымдастырушылар батут паркі Kango-ға, A’SU VO! брендіне, TECNO mobile компаниясына, Royal Flowers гүлдер салонына, ҚР Ұлттық кітапханасына, Zakazbiletov билет агрегаторына және D&D сұлулық салонына көрсеткен қолдаулары үшін шынайы ризашылықтарын білдіреді.
Ресми газеттер: «Almaty aqshamy» және «Вечерний Алматы».
Ақпараттық қолдау: «1 канал «Евразия»», «НТК», RadioCity, «Казахстанская правда», «Деловой Казахстан»/DKnews.kz, Zakon.kz, «Новое поколение», Nege.kz, Caravan.kz, «Московский комсомолец в Казахстане», Zhatpa.kz, Dala inside телеграм-арнасы, Түркітілдес журналистер қоры және Қазақстан Пресс-клубы.
«Жас Қанат. Балалар-2024» еліміздің жас таланттары үшін нағыз өнер мерекесіне айналды. Бұл шара олардың вокалдық және шығармашылық әлеуетін паш етумен қатар, болашақ ұрпақты қолдау мен дамыту жолында игі бастама екенін дәлелдеді.
