Жаңа жыл қарсаңында Нұра ауданында аулалар арасында қыс мезгілін үздік безендіру байқауы басталды, деп хабарлайды DKnews.kz.
Ең креативті және жайлы үш аула бағалы сыйлықтармен марапатталады, деп хабарлайды елорда әкімдігінің ресми сайты.
Байқау 17-27 желтоқсан аралығында өтіп, жеңімпаздарды әкімдік пен Урбанистика орталығының мамандарынан құралған арнайы комиссия анықтайды. Бағалау кезінде мыналар ескеріледі:
- идеяның өзіндік ерекшелігі;
- безендірудің эстетикасы мен ұқыптылығы;
- жарықтандырумен безендеу;
- мерекелік жаңа жылдық атмосфераны құру.
Конкурсқа қатысу үшін кез келген Instagram парақшасында безендірілген ауланың фотосын немесе видеосын жариялаңыз (ТК парақшасы, МИБ төрағасы, үй белсендісі немесе тұрғын). Парақшаның ашық болуы маңызды. Сол сияқты әлеуметтік желідегі rishat_turdybekov және nura.audany парақшаларына жазылыңыз. Жазбада міндетті түрде #ЖаңаЖылНұраАуданы хештегі болуы қажет.
Жеңімпаздар 28 желтоқсанда аудан әкімдігінің ресми парақшасында жарияланады.
