Қазақстан Республикасы Ұлттық ұланы “Оңтүстік” өңірлік қолбасшылығының қолбасшысы генерал-майор Талапкер Әміреев пен қолбасшының бірінші орынбасары - штаб бастығы полковник Еркен Жанабергенов Алматы гарнизонының әскери бөлімдерін аралап, ішкі қызмет пен қаладағы қоғамдық тәртіпті қамтамасыз етіп жүрген әскери жасақтарды Жаңа жыл мерекесімен құттықтады, деп хабарлайды DKnews.kz.
Сапар барысында қолбасшы сарбаздардың қызметтік және тұрмыстық жағдайларымен танысып, әскери қызметшілердің кәсібилігін, тәртібін және жаңа жыл түніндегі жауынгерлік қызметке дайындықтарын жоғары бағалады. Ол өз ісіне адал ұландықтарға алғысын білдіріп, олардың кәсіби деңгейі жыл сайын артып келе жатқанын атап өтті.
Сіздерге бүгін жаңа жыл түнінде Отанның тыныштығын күзету міндеті артылып отыр. Сіздер өздеріңізге жүктелген тапсырманы қырағылықпен орындап, ел тыныштығының сенімді сақшысы болатындарыңызға сенімім мол. Жауапты сәттегі қырағы қызметтеріңіз үшін алғыс білдіремін Генерал-майор Талапкер Әміреев
Сондай-ақ сапар барысында қолбасшы жауынгерлік қызметті қамтамасыз етіп тұрған әскери қызметшілерге алғыс хаттар мен мерекелік сыйлықтарын табыс етті.
