FlyArystan Астана мен Үрімші арасындағы рейстерге әуебилеттерін сатуды бастады, деп хабарлайды DKnews.kz.
2025 жылдың ақпан айында қазақстандық лоукостер FlyArystan Астана – Үрімші – Астана бағытындағы әуебилеттерін сатуды бастады.
Рейстер жыл бойы жүзеге асырылатын болады. Қазіргі уақытта 2025 жылдың 13 сәуірінен 24 қазанына дейінгі аралықта аптасына екі рет орындалатын рейстердің билеттері сатылымда. Астанадан Үрімшіге – бейсенбі және жексенбі күндері, Үрімшіден Астанаға – дүйсенбі және жұма күндері ұшақтар қатынайды.
Үрімшіге және басқа бағыттарға әуебилеттерді FlyArystan әуекомпаниясының www.flyarystan.com (https://www.flyarystan.com/) ресми сайты немесе мобильді қосымша арқылы, сондай-ақ басқа да қолжетімді сату арналарында сатып алуға болады. Сонымен қатар, 2025 жылдың көктем-жазғы навигациясына арналған FlyArystan әуебилеттерінің сатылымы ашық екенін атап өткен жөн.
