Қазақстан Республикасы Парламенті Сенатының депутаттары Алтынбек Нухұлы мен Ләззат Рысбекова Санкт-Петербургте өткен ТМД Парламентаралық Ассамблеясының тұрақты комиссияларының отырыстарына қатысты, деп хабарлайды DKnews.kz.
Суретті түсірген: А.Байжұманов
Сенатор Алтынбек Нухұлы Ғылым және білім жөніндегі комиссия құрамында жұмыс істеді. Отырыс барысында «Жасанды интеллект технологиялары туралы» үлгі заң жобасы, ТМД-ға мүше мемлекеттерге арналған үлгі Білім кодексіне енгізілетін өзгерістер, сондай-ақ жас дарындарды дамыту және қолдау жүйесін нормативтік-құқықтық реттеу мен академиялық ұтқырлыққа қатысты ұсыныстар талқыланды.
Суретті түсірген: А.Байжұманов
Ләззат Рысбекова ТМД-ға мүше мемлекеттерге арналған үлгі Салық кодексінің Арнаулы бөлімінің жобасын талқылауға қатысты. Сенатор сондай-ақ «Стратегиялық жоспарлау туралы» және «Стандарттау туралы» үлгі заңдарды әзірлеуге байланысты мәселелерге назар аударды.
Суретті түсірген: А.Байжұманов
Қазақстан парламентшілерінің ТМД Парламентаралық Ассамблеясы комиссияларындағы жұмысы қатысушы мемлекеттер арасындағы ынтымақтастықты нығайтуға және түрлі саладағы құқықтық базаны жетілдіруге бағытталған.
