Тауарлар мен қызметтерге төленетін ақыны қабылдауға арналған инфрақұрылым едәуір кеңейді, деп хабарлайды DKnews.kz.
POS-терминалдар желісі 31%-ға артты, кәсіпкерлер мен сауда нүктелерінің саны сәйкесінше 12% және 21%-ға өсті. Мәселен, 2025 жылғы 1 қаңтарда 886,6 мың кәсіпкер 1,1 млн сауда нүктесінде 1,4 млн POS-терминал орналастырды.
Қазақстандықтар төлемдер жүргізу үшін мобильді қосымшаларды белсенді түрде пайдаланады. QR-код арқылы жасалған операциялар саны төлем карточкасын пайдалана отырып, POS-терминалдар арқылы жасалған операциялар санынан 26%-ға асып түсті. Бұл жалпы алғанда қаржылық қызметтерді цифрландыру үрдісін көрсетеді.
2024 жылы тауарлар мен қызметтер үшін күн сайын орташа есеппен 2 қолма-қол ақшасыз транзакцияның біреуі QR-код арқылы жүргізілді. Мұндай транзакцияның орташа сомасы 14 мың теңге болды.
QR-код және POS-терминалдар арқылы жасалған төлемдер саны (млн бірл.)
2024 жылы 1 (бір) белсенді төлем карточкасын пайдалана отырып, орташа есеппен 4,2 млн теңге сомасына 325 қолма-қол ақшасыз операция жүргізілді.
