Нұра ауданының мәдениет үйінің «Шұғыла» ансамблінің бишілері Түркиядағы Alash Star халықаралық байқауында Гран-при мен бірінші орын иеленді, деп хабарлайды DKnews.kz.
«Шұғыла» көрермендер мен қазылар алқасын хореографиямен, ұлттық киімдермен және жоғары орындаушылық шеберлігімен тәнті етті.
Ансамбль «Ата-бабалар мұрасы» би композициясы үшін ең жоғары марапатқа ие болды.
Ал алты жасар Нұрай Сайранова «Аққу» биімен кіші жас санатында бірінші орынды иеленді.
– Қатысушылар төрт жас санатына бөлінді. Біздің жас санатымызда 30-дан астам ұжым болды. Үлкен бәсекелестікке қарамастан, қыздарымыз өте жақсы өнер көрсетті. Қазылар алқасы костюмдерді жасауда таңдалған ерекше бейнелер мен креативті тәсілдерді атап өтті. Бізде ең жарқын киімдер болды, – деді ансамбль жетекшісі Нұрқұлан Хасимхан.
Жас таланттарға Қазақстанның Еңбек Ері Георгий Прокоп қаржылай қолдау көрсетті. Ол бишілерге жолға 4 миллион теңге бөлді.
