ТЖМ құтқарушылары төтенше жағдайлар туындаған жағдайда іс-қимылдарды пысықтауға және қызметтер арасындағы өзара іс-қимылды жақсартуға бағытталған түрлі объектілерінде 162 өрт-тактикалық оқу-жаттығу өткізді, деп хабарлайды DKnews.kz.
Астанада оқу-жаттығу жекеменшік мектептердің бірінің базасында өтті. Оқу-жаттығудың мақсаты сервер бөлмесінің шартты өртенуін және мектептің бірінші қабатында түтіннің таралуын қамтыды. Оқу-жаттығу барысында қызметкерлердің іс-әрекеттері, оқушыларды эвакуациялау, сондай-ақ өртті алғашқы құралдармен сөндіру пысықталды. Өрт сөндіру бөлімшелері тиісті дайындық деңгейін растай отырып, барлау мен эвакуацияны сәтті өткізді.
Шығыс Қазақстан облысында қозғалтқыштың істен шығуы және авиаотынның таралуы бар ұшақтың апаттық қонуы имитацияланды. Құтқарушылар, өрт сөндірушілер мен дәрігерлер жолаушыларды эвакуациялау, экипажды құтқару және әуе-механикалық көбік пен лафет оқпандарын пайдалана отырып, өрттің алдын алу бойынша іс-қимылдарды пысықтады. Газ-түтіннен қорғау қызметінің әрекеттеріне және әуе кемесінің салонын тексеруге ерекше назар аударылды. Оқу-жаттығулар түрлі қызметтердің іс-қимылдарының үйлесімділігін көрсетті, әуе көлігіндегі төтенше жағдайларға ден қою тиімділігін арттырды.
Батыс Қазақстан облысында оқу–жаттығулар Орал қаласының сауда-ойын-сауық орталығында адамдар көп жиналатын нысанда өтті. Оқу–жаттығулар барысында адамдарды эвакуациялау, медициналық және құтқару қызметтерімен өзара іс-қимыл жасау бойынша тактикалық іс-қимылдар пысықталды. Өрт сөндірушілер, құтқарушылар және басқа да тіршілікті қамтамасыз ету ұйымдары құтқару жұмыстарын ұйымдастыруда үйлесімділіктің жоғары деңгейін көрсетті.
Барлық оқу-жаттығулардың мақсаты – жеке құрамның іс-әрекеттерін жетілдіру және төтенше жағдайларға жедел және тиімді әрекет ету, салдарды азайту, адамдардың өмірін сақтау үшін қызметтердің өзара іс-қимылын жақсарту.
