Бүгін Астана қаласында VI Машина жасау және металл өңдеудің халықаралық мамандандырылғанKazakhstan Machinery Fair көрмесі басталды, деп хабарлайды DKnews.kz.
Іс-шараның ашылу салтанатында ҚР Өнеркәсіп және құрылыс министрі Ерсайын Нағаспаев құттықтау сөз сөйледі.
Ашылу салтанатына Чехия Республикасының Өнеркәсіп және сауда вице-министрі Мартин Фржелич, Қазақстан машина жасаушылар одағының басқарма төрағасы Мейрам Пішембаев,Leipziger Messe бас директоры Маркус Гайзенбергер, Astana Expo компаниясының атқарушы директоры Қуаныш Қанапьянов қатысты.
«Машина жасау – еліміздің өнеркәсіптік әлеуетінің негізі, технологиялық прогрестің драйвері және ұлттық экономиканы қолдау.Өңдеу өнеркәсібі құрылымындағы саланың үлесі 19%-ды құрайды» Ерсайын Нағаспаев
Сондай-ақ Ерсайын Нағаспаев саланың тұрақты өсім көрсетіп отырғанын атап өтті. Мәселен, өткен жылдың қорытындысы бойынша көрсеткіштер 9,7%-ға өскен. Биылғы жылы 16%-дық өсімді қамтамасыз ету ауқымды мақсат болып отыр.
Kazakhstan Machinery Fair – Орталық Азиядағы ең ірі салалық оқиға. Экспозицияда металл өңдеуге және кесуге арналған білдектер мен жабдықтар, дәнекерлеу жүйелері мен жиынтықтаушылары, индустриялық автоматтандыру және робототехника, сондай-ақ құралдар, компоненттер және өндіріс технологиялары бар.
Қатысушылар арасында – Hyundai WIA, CHIRON Group SE, KAMAZ, QazTehna, Bodor, XT Laser, Robentex, ISCAR Kazakhstan, Zoller, KAPP NILES, IGM Robotersysteme, Guhring, WeldExpert, SMWAutoblok, Linsinger Maschinenbau және басқалар бар.
Германия, Түркия, Австрия, Италия, Қытай елдерінің ұлттық экспозицияларын атап өткен жөн. Германия павильонында Саксония және Тюрингия федералды штаттарының ұжымдық стендтері, сондай-ақ әртүрлі салаларға арналған жоғары технологиялық шешімдері бар жетекші неміс компаниялары бар.
Көрмені жыл сайын мыңдаған мамандар, соның ішінде зауыттар мен өндірістік кәсіпорындардың, машина жасау жабдықтарын сататын көтерме және бөлшек сауда компанияларының, өнеркәсіптік технологияларды әзірлеуші және өндіретін компаниялардың, құрылыс және өңдеуші саланың, өнеркәсіптің мемлекеттік органдарының өкілдері, сондай-ақ инженерлер мен технологтар, , автоматика және робототехника мамандары, өнеркәсіптік дизайн және машина жасау саласындағы мамандар тамашалайды.
Одан бөлек, «EXPO» халықаралық көрме орталығында Су индустриясының SU ARNASY – Water Expo XIV халықаралық мамандандырылған көрмесі мен ONDEU EXPO V халықаралық өңдеу өнеркәсібі көрмесінің ашылуы өтті.
ONDEY EXPO металлургия, машина жасау, аспап жасау, құрылыс және химия материалдарының өндірісі, агроөнеркәсіптік кешен салаларына арналған шешімдер мен жабдықтарды жеткізушілерді біріктіреді. Компаниялар отандық өнеркәсіптің өнімділігін, орнықтылығын және технологиялық тәуелсіздігін арттыруға бағытталған әзірлемелерді ұсынады.
SU ARNASY – Water Expo – тақырыптамасысумен жабдықтауды және су бұруды, ағынды суларды тазартуды, Тұрғын үй-коммуналдық шаруашылық жаңғыртуды, су ресурстарын цифрландыруды және SCADA жүйелерін, сорғы жабдықтарын және сүзуді қамтитын мамандандырылған алаң.
Көрмеге Vogelsang, ANDRITZ, CNP, ARC, QA-Plast, VodEcoFilter, Invest Continent, ETEK, SAS, Aquatoriya-Aktobe, ATE, Riza Global және басқа да компаниялар қатысуда.
Осылайша, 10 000 м² астам ауданда 22 елден келген машина жасау, металл өңдеу, сумен жабдықтау, өндірістерді автоматтандыру және инженерлік жаңғырту үшін шешімдердің кең спектрін ұсынатын 290-нан астам компания жиналды.
Көрмелерге зауыт иелері, инженерлер, бөлшек және көтерме компаниялардың өкілдері, технологияларды жобалаушылар мен әзірлеушілер, сондай-ақ мемлекеттік құрылымдардың өкілдері қатысуда. Іс-шаралар аясында форум, желілік сессия, техникалық конференцияны және т.б. өткізу жоспарланған.
