2025 жылғы 23 сәуірде Атыраудағы Ұлттық ұланның 5546 әскери бөлімінде Ұлттық кітап күніне арналған танымдық-патриоттық іс-шара өтті, деп хабарлайды DKnews.kz.
Шара барысында бөлім кітапханасының бастығы, кіші сержант Гаухар Исанкулова «Кітап – алтын қазына» тақырыбында жеке құрамға ақпараттық дәріс өткізіп, кітап оқудың рухани-тәлімдік маңызын атап өтті.
Сарбаздар тарихи әдебиеттермен, соның ішінде соғыс жылдарынан сыр шертетін туындылармен танысты. Ұйымдастырушылардың айтуынша, іс-шараның басты мақсаты – жауынгерлердің кітап оқу мәдениетін қалыптастырып, тарихи сана мен елге деген сүйіспеншілікті арттыру.
