Ақтау қаласындағы Каспий теңізінің көрікті жағалауында ерекше форматтағы марафон-челлендж өтті, деп хабарлайды DKnews.kz.
Бұл іс-шара «Динамо» дене шынықтыру-спорт қоғамының 100 жылдығына арналған мерекелік бағдарламалар аясында ұйымдастырылды.
Шараға Қазақстан Республикасы Ұлттық ұланы «Батыс» өңірлік қолбасшылығына қарасты 3502 әскери бөлімінің жеке құрамы белсене қатысты. Марафон-челлендж жауынгерлердің қызметтен тыс уақытын тиімді өткізіп, олардың дене даярлығын арттыруға, сондай-ақ салауатты өмір салтын насихаттауға бағытталды.
"Мұндай спорттық шаралар ұжымдық рухты көтеріп, әскери бауырмалдықты нығайтуға ықпал етеді. Бұл — ұрпақтан ұрпаққа жалғасқан спорттық дәстүрлерге деген құрметтің белгісі" әскери бөлім командирі, подполковник Бекзат Шакаров
Шара соңында жеке құрам сап түзеп, белсенділік танытқан әскери қызметшілерге алғыс білдірілді.
