Жаңаөзен қаласындағы ҚР Ұлттық ұланының 5548 әскери бөлімінде 2024 жылғы 1-шақырылым сарбаздарын салтанатты түрде шығарып салу рәсімі өтті, деп хабарлайды DKnews.kz.
Бір жылдық әскери борышын абыроймен атқарған 200-ден астам жауынгерге бөлім басшылығы алғыс айтып, тәртіп пен жауапкершілік танытқаны үшін марапаттар табыстады.
Іс-шара барысында көркемөнерпаздар патриоттық әндер мен қойылымдар ұсынып, сарбаздарға көтеріңкі көңіл-күй сыйлады.
Бөлім командирі, подполковник Марат Нұрмұратов сарбаздарға болашақта азаматтық өмірде табыс тілеп, Ұлттық ұландағы қызметтің өмірлік сабақ болатынын атап өтті.
