ҚР Әділет вице-министрі Ботагөз Жақселекова АХҚО өкілдерімен кездесті, деп хабарлайды DKnews.kz.
2025 жылдың 9 шілдесінде ҚР Әділет вице-министрі Ботагөз Жакселекова "Астана" халықаралық қаржы орталығы (АХҚО) Соты мен Халықаралық арбитраж орталығының тіркеушісі әрі аппарат басшысы Кристофер Кэмпбелл-Холтпен кездесті.
Кездесу барысында тараптар Қазақстандағы құқықтың үстемдігін нығайту, заң үстемдігін қамтамасыз етуге бағытталған өзекті мәселелерді талқылады. Сонымен қатар, отандық заң қызметтері нарығында көрсетілетін қызметтердің сапасын арттыру, құқықтық инфрақұрылымды жетілдіру бағытында екіжақты ынтымақтастықты жалғастыруға дайын екендіктерін білдірді.
