Алматы облысы Қарасай ауданында Сәтпаев шыңында 4317 м іздестіру-құтқару операциясы жүргізілді, деп хабарлайды DKnews.kz.
23 жастағы турист соқпақтан адасып, тік жартасты беткейде қалып қойған. Өздігінен түсуге мүмкіндігі болмаған. Зардап шегушімен байланыс тұрақсыз болды, геолокация анықталмаған.
Құтқару операциясын жүргізу үшін кинологпен бірге ТЖМ Республикалық жедел-құтқару жасағының тобы жедел түрде жолға шықты. Іздеу жұмыстары биік таулы, сусыма тастар мен тік жартастар кездесетін қиын өткелдерде жүргізілді.
Іздеу жұмыстары 8 сағаттан астам уақытқа созылды. Турист табылып, таудың етегіне дейін жеткізіліп, одан әрі қалаға дейін ілесіп жүріп отырды.
РЖҚЖ құтқарушыларының кәсібилігі мен төзімділігінің арқасында операция сәтті аяқталды — зардап шеккен азамат аман-есен құтқарылды.
