«Masters» турнирінде 19 жастағы Алексей Гребнев жеңімпаз атанды, ал қазақстандық Денис Махнёв, Даниял Сәпенов және Әлішер Сүлейменов 6-шыдан 8-шіге дейінгі орындарды иеленді, деп хабарлайды DKnews.kz.
Турнирдің соңғы кезеңінде көшбасшылардың жағдайы әртүрлі қалыптасуы мүмкін. Кейде жеңімпазды алдын ала құттықтауға болады. Кейде жеңіске жету үшін соңғы турда тең ойнау жеткілікті. Ал кейде «Oskemen Open 2025» халықаралық шахмат фестивалінің басты турнирінде (Қазақстан Кубогының 2-ші кезеңі) болғандай, 1-ші орынның тағдыры Антон Демченко – Рихард Раппорт, Алексей Гребнев – С.Л. Нараянан және біздің Денис Махнёв – С.П. Сетураман партияларында шешіледі.
Бірінші болып Гребнев жеңіске жетті, қарсыласын 52-інші жүрісте тізе бүктірді. Ал Раппорт артықшылығын жоғалтып алған соң, партияны екінші мәрте жеңу керек болды. Және ол соған қол жеткізді! Ал Махнёв пен Сетураман қосымша секундтармен ойнап, бір-біріне артықшылық бермей, тең түсті.
Осылайша, турнир кезінде 19 жасын атап өткен, жасөспірімдер арасында екі дүркін (2023, 2024) әлем чемпионы және жуырдағы Dubai Open 2025 турнирінің жеңімпазы Алексей Гребнев 1-ші орынды иеленді. Рейтинг фавориті, 29 жастағы Рихард Раппорт, ұпай саны тең бола тұра, Бухгольцтың қысқартылған коэффициенті бойынша жеңімпаздан қалып қойды. 3-ші орында – 32 жастағы С.П. Сетураман.
WIM Зейнеп Сұлтанбек (2067) пен IM Ксения Балабаева (2332) үшін финиш сәтті шықпады (Зейнеп соңғы екі турда мүлде сәтсіз ойнады). Дегенмен олардың ешқайсысын бәсекелестері қуып жете алмады: екеуі де 4½ ұпай жинады. Бірінші әйелдер жүлдесі – $1000 – Шымкенттік 21 жастағы шахматшы қызға бұйырды, ол сонымен қатар IM нормасын орындады.
Masters турнирінің кепілдендірілген жүлде қоры – 78 000 АҚШ доллары. Оның ішінде: 1-ші орынға – $18 000, 2-ші орынға – $14 000, 3-ші орынға – $10 000, 15-ші орынға дейін – $1000 жүлде қарастырылған.
Oskemen Open 2025/Masters
1. GM Алексей Гребнев (2582, FIDE) – 7 очков;
2. GM Рихард Раппорт (2715, Венгрия) – 7;
3. GM Сетураман С. П. (2554, Үндістан) – 6½;
4. GM Дмитрий Бочаров (2522, FIDE) – 6½;
5. GM Антон Демченко (2610, Словения) – 6;
6. GM Денис Махнёв (2535) – 6;
7. IM Даниял Сәпенов (2414) – 6;
8. GM Әлішер Сүлейменов (2497) – 6;
9. GM Артём Усков (2500, FIDE) – 6;
10. GM Аркадий Найдич (2629, Болгария) – 6;
11. IM Илампартхи А Р (2500, Үндістан) – 5½;
12. IM Жандос Ағманов (2483) – 5½;
13. IM Этан Ваз (2429, Үндістан) – 5½;
14. GM Нараянан Сунилдут Лина (2597, Үндістан) – 5½;
15. IM Араш Тахбаз (2462, Иран) – 5½.
17 жүріс Екатерина Смирнова мен Константин Корниенкоға тең нәтижені тіркеуге жеткілікті болды. Осы тең нәтиже 16 жастағы Корниенкоға «Oskemen Open 2025» фестивалінің маңызы бойынша екінші турнирі – «Challengers» жарысында жеңіс әкелді. Challengers турнирінің кепілдендірілген жүлде қоры 15 000 АҚШ доллары болды, оның ішінде: жеңімпазға – $4000, Константин Казаковқа – $2000, ал 6-шы жүлделі орынды иеленген Үндістаннан келген рейтинг фаворитіне – $800 бұйырды.
Oskemen Open 2025/Challengers
1. CM Константин Корниенко (2141, FIDE) – 7½ очков;
2. IM Элдияр Орозбаев (2367, Кырғызстан) – 7;
3. IM Константин Казаков (2288) – 6½;
4. FM Наранболд Содбилегт (2363, Монғолия) – 6½;
ғ5. WCM Бат-Эрдене Мунгунзул (2337, Монголия) – 6½;
6. IM Аадитья Дхингра (2398, Үндістан) – 6½.
Ал Open турнирінде талдықорғандық 19 жастағы Ерназар Исумбаев қырғызстандық қонақ Азамат Нурдиновпен жедел тең ойнағанына өкінер еді. Себебі оны қуып жеткен 20 жастағы қарағандылық, қазіргі таңда Astana IT University студенті Нариман Тілешевтің қысқартылған Бухгольцы жақсырақ болып шықты! Жеңімпаздың жүлдесі – $2000, ал 5-ші орынды иеленген, жеңімпаздың 14 жастағы жерлесі Дмитрий Гейн – $700 алды.
Oskemen Open 2025/Open
1. Нариман Тілешев (1839) – 7½ очков;
2. Ерназар Исумбаев (1813) – 7½;
3. Альрами Мұқашев (1663) – 7;
4. Азамат Нурдинов (1784, Кырғызстан) – 7;
5. Дмитрий Гейн (1830) – 7.
«Oskemen Open 2025» халықаралық шахмат фестивалі ерлер мен әйелдер арасындағы классикалық шахматтан Қазақстан Кубогы 2025 жарысының 2-ші кезеңі екенін атап өту маңызды. Биыл 3 кезең (швейцариялық жүйе бойынша) және финал (12 қатысушы, айналмалы жүйе бойынша) өткізіледі:
- 1-ші кезең – Владимир Дворкович мемориалы – Aktobe Open 2025 (Ақтөбе, 22-30 маусым);
- 2-ші кезең – Oskemen Open 2025 (Өскемен, 21-29 шілде);
- 3-ші кезең – Almaty Region Open. Qonaev Cup 2025 (ОДО, Алматы облысы, Қарасай ауданы, Алмалыбақ ауылы, 4-12 тамыз);
- финал – Kazakhstan Chess Cup 2025 – Final (Алматы, 9-19 қараша).
