Қарағанды облысында тауда адасып кеткен екі азамат құтқарылды, деп хабарлайды DKNews.kz.
Бүгін Қарағанды облысының Қарқаралы ауданында орманда серуендеп жүріп адасып кеткен 1973 және 1977 ж. т. екі азамат табылды.
Іздестіру-құтқару жұмыстарына ТЖМ қызметкерлері мен жергілікті қызметтер жұмылдырылды. Құтқарушылардың жедел және үйлесімді іс-қимылының нәтижесінде олар Қарқаралы қаласынан шамамен 10 шақырым жерден табылып, қалаға жеткізілді. Медициналық көмекті қажет етпеді.
ТЖМ еске салады: табиғатқа шығар алдында маршрутты мұқият жоспарлап шығуға, жақындарыңызды жоспарларыңыздан хабардар етуге және байланыс құралдарын өзіңізбен бірге алуға кеңес береді.
