Жолдар сапалы әрі қауіпсіз болуы үшін тұрақты бақылауды талап етеді, деп хабарлайды DKNews.kz.
Бұл мақсатта Көлік министрлігі жол инфрақұрылымын диагностикалауға бағытталған заманауи технологияларды енгізіп келеді.
Бүгінде Жол активтерінің ұлттық сапа орталығы (ЖАҰСО) жанында жаңа буындағы 16 жылжымалы жол зертханасы жұмыс істейді. Бұл инженерлік кешендердің құрамында:
- датчиктер мен GPS-навигациясы,
- геометриялық параметрлерді өлшеу жүйелері, бойлық (IRI) және көлденең тегістік өлшегіштер,
- бейнекамералар,
- «Дина-3» және «Дина-4» қондырғылары, жабын тегістігін бақылауға арналған ПКРС-2У тіркемесі бар.
ЖАҰСО-ның жылжымалы зертханалары автомобиль жолдарының кешенді диагностикасын жүргізеді.
Бұдан бөлек, 2025 жылдан бастап Қазақстан жол ғылыми-зерттеу институты (ҚазЖолҒЗИ) жол қозғалысы қауіпсіздігін тексеріп отыру үшін арнайы жылжымалы зертхананы іске қосты. Ол келесідей мүмкіндіктерге ие:
- жол таңба сызықтары мен жол белгілерінің, жол бойындағы жарық шамдарының жағдайын тексеруге;
- қозғалыс қауіпсіздігіне әсер ететін ілінісу коэффициентін және бойлық еңіс деңгейін өлшеуге;
- жол-көлік оқиғасы жиі болатын учаскелерді анықтап, оларды алдын алуға бағытталған тиімді шараларды әзірлеуге мүмкіндік береді.
Бұл деректер жол қозғалысы қауіпсіздігін арттыру жөніндегі мемлекеттік стратегияның бір бөлігіне айналып, инфрақұрылымды жақсартуға мүмкіндік береді.
Көлік министрлігі халықаралық стандарттарға сай заманауи және қауіпсіз жол желісін қалыптастыру үшін жол инфрақұрылымын диагностикалау және мониторинг жүргізудің жаңа технологияларын енгізуді жүйелі түрде жалғастырады.
