Шығыс Қазақстан облысында ауылдық елді мекендерде азаматтық қорғау жүйесін дамыту және өртке қарсы қауіпсіздікті нығайту бойынша жұмыстар жалғасуда. Жыл соңына дейін мұнда "Ауыл құтқарушылары"ведомстволық бағдарламасы аясында ерікті өртке қарсы құралымдардың жаңа бекеттері салынатын болады, деп хабарлайды DKNews.kz.
Бүгінде өңірде 718 мыңнан астам тұрғыны бар 357 елді мекен бар. Қазақстан ТЖМ бөлімшелері 125 елді мекенді (629 мың тұрғынды) қорғауды қамтамасыз етеді. Қосымша 170 ауылды қорғайтын жергілікті атқарушы органдардың 57 өрт сөндіру пункті жұмыс істейді, оның тек 14-і жыл бойы жұмыс істейді. Қалғандары тұрақты жұмыс режиміне ауысуды немесе жаңартуды қажет етеді.
Жұмыс сапары барысында ҚР Төтенше жағдайлар вице-министрі генерал-майор Кеген Тұрсынбаев Шығыс Қазақстан облысындағы азаматтық қорғау бөлімшелеріне барып, өңір басшылығымен кеңес өткізді. Материалдық-техникалық базаны жаңғырту және бөлімшелер желісін, әсіресе шалғай аудандарда дамыту жөніндегі шаралар талқыланды.
"Біз техника мен арнайы көлікті жаңа ерікті өртке қарсы құралымдарға беруді жоспарлап отырмыз. Бұл бөлімшелердің болашақ қызметкерлері де арнайы оқытудан өтеді",-деп вице-министр Кеген Тұрсынбаев атап өтті.
"Ауыл құтқарушылары" бағдарламасын іске асыру ҚР ТЖМ басым міндеті болып табылады, ол ауылдық аудандарда өртке қарсы қауіпсіздікті нығайтуға, бөлімшелердің тиімді жұмыс істеуі үшін жағдай жасауға және төтенше жағдайлардың алдын алуға бағытталған.
