Мен Эльдар Жанболатұлы Абай облысы Семей қаласы Бородулиха ауданының тумасымын. Біздің ауылда негізінен орыс ұлты қоныс тепкен. Ауыл тыныштықта, қой үстінде бозторғай жұмыртқалаған заманда өмір сүріп жатыр.
Ауыл адамдарының басым бөлігі өзге ұлт өкілдерінен құралғанымен олар бізді ортақ тарихи тағдыр біріктіретіндігін алға тартады. Иә, бірлік бар жерде тірлік бар. Дүниеде тату-тәтті тіршілікке, ынтымаққа жетер ештеңе де жоқ рәуіштес. Өйткені, достық туын жоғары көтере білген халық ғана мемлекетінің өркендеуіне орасан еңбек сіңіріп келеді. Мұндай жетістіктерге халық пен мемлекеттік билік бірлігінің және де болашақтағы даңғыл жолымызды айқындар адастырмас темірқазығымыз Ата заңымыздың арқасы деп айтсақ артық болмас.
Татулық пен бейбітшіліктің мекені болып табылатын кең байтақ елімізде жүздеген ұлттар тұрады. Бүгінде олар болашақ ұрпақтар алдындағы жоғары жауапкершілікті сезініп, өздерінің егемендік құқықтарын негізге ала отырып, Тәуелсіздіктің тірегіне айналған Ата заңды қатаң түрде ұстанады. Мемлекетіміздің тұрақты және серпінді дамуы азаматтардың құқықтары мен бостандықтарын жүзеге асыруы және мықты әрі берік мемлекеттік биліктің қызмет етуі арасындағы тепе-теңдікті талап етеді.
Мен де құқықтық тәртіп әскерінің мерзімді әскери қызметшісі ретінде еліміздің тұрақты және серпінді дамуының алғышартына айналған құқықтық жүйенің құрметтеп қорғауға, оның баянды өміршеңдігін кірпік қақпай күзетуді азаматтық парызым деп санаймын. Ата заңымыз еліміздің барлық мерейлі сәттерінің бастауы саналып, құқық теңдігі мен барлық қазақстандықтарға бірдей мүмкіндіктерді беретін әділетті заңның үстемдігі салтанат құра берсін!
Эльдар Жанболатұлы
6699 әскери бөлімінің қатардағы жауынгері
