Алматыда Жамбыл атындағы Қазақ мемлекеттік филармониясының сахнасында ерекше кеш өтті. Қытайдың ұлы композиторы Сянь Синхайдың 120 жылдығына арналған концертті Қытай Халық Республикасының Алматыдағы Бас консулдығы ұйымдастырды. Бұл кеш тек музыка мерекесі ғана емес, Қытай мен Қазақстанның ортақ тарихын, достық пен рухани сабақтастығын дәріптеген маңызды оқиға болды, деп хабарлайды DKNews.kz.
Ли Жэнь Цзи/ Xinhua
Шынайы ықылас
Кештің ресми бөлігінде Алматыдағы ҚХР Бас консулы Цзян Вэй ханым сөз сөйлеп, жиналғандарға жүрекжарды лебізін білдірді:
«Бүгін біз халықтық музыка тарихында өшпес із қалдырған ұлы композитор Сянь Синхайдың 120 жылдығын атап өтудеміз. Оның “Сары өзен” кантатасы мен “Тайханшань тауында” атты поэмасы ұлттық қазынаға айналды. Дегенмен, Алматы Сянь Синхайдың өмірінде ерекше орынға ие. Соғыс жылдарында дәл осы қалада қазақ музыканты Бақыт Байқадамов оған қолдау көрсетіп, екеуі бірге “Амангелді” симфониялық поэмасын жазды. Бұл шығарма антифашистік күрестің рухани ұранына айналып, халықтарымыздың достығының символы болып қалды».
Залда отырғандар бұл сөздерді үлкен ықыласпен тыңдады. Шынайы достық пен өзара қолдаудың осындай тарихы жүректерді ерекше толқытты.
Ортақ жады
Кеш барысында Цзян Вэй ханым биылғы жылдың тағы бір маңызды датасын атап өтті – Қытай халқының жапон басқыншыларына қарсы соғыстағы және дүниежүзілік антифашистік соғыстағы Жеңісінің 80 жылдығы.
Ли Жэнь Цзи/ Xinhua
«Қытай мен Қазақстан халықтары бір майданда иық тірестіріп шайқасты. Біздің ортақ құрбандығымыз – жай естелік емес, бұл – ортақ рухани мұрамыз», – деді ол.
Ли Жэнь Цзи/ Xinhua
Осы тарихи жадқа құрмет ретінде Қытай елі қазақстандық батырлар Майхан Аренов пен Абдібек Нұрмагамбетовті арнайы медальмен марапаттады.
Ли Жэнь Цзи/ Xinhua
«Жапон басқыншыларына қарсы Қытай халқының соғысындағы Жеңістің 80 жылдығы» медалі олардың ұрпақтары Мұрат Аренов пен Максат Нұрмагамбетовке табыс етілді. Бұл сәт концерттің ең толқытқан бөліміне айналды.
Ли Жэнь Цзи/ Xinhua
Болашаққа бағыт
Консул өз сөзінде тек өткенді ғана емес, бүгінгі және болашақ міндеттерді де атап өтті. Ол ҚХР Төрағасы Си Цзиньпин ұсынған жаһандық басқару бастамасына тоқталып, көпжақты ынтымақтастықтың, халықаралық құқыққа құрметтің және тең әріптестіктің маңызын ерекше атап өтті. Қазақстанның бұл үдерістердегі рөлі де айрықша аталды.
Ли Жэнь Цзи/ Xinhua
Музыканың күші
Сөз соңын музыка жалғады. Абдрашев атындағы мемлекеттік симфониялық оркестр мен Байқадамов атындағы хор Сянь Синхайдың шығармаларын орындап, залды ерекше эмоцияға бөледі.
Ли Жэнь Цзи/ Xinhua
Әуендер өткенді бүгінмен жалғап, достық пен бірліктің символына айналды.
Ли Жэнь Цзи/ Xinhua
Концерт көрермендердің ұзақ қол шапалағымен аяқталды.
Ли Жэнь Цзи/ Xinhua
Қонақтар бұл кештен тек өнердің ләззатын ғана емес, Қазақстан мен Қытайдың ғасырлардан жалғасқан достығы мен ортақ болашағын сезініп шықты.
Ли Жэнь Цзи/ Xinhua
