Бүгін Ақтөбе облысында санитарлық авиацияның ЕС-032 әуе кемесі А. Нуфти басқарған экипажбен Ақтөбе – Бадамша – Ақтөбе бағыты бойынша рейс орындады, деп хабарлайды DKNews.kz.
Рейстің мақсаты – шұғыл медициналық көмекті қажет еткен жаңа туған нәрестені тез арада тасымалдау болды.
Операцияны орындауға ТЖМ құтқарушылары тартылып, олар жердегі үйлестіруді, қауіпсіздік шараларын қамтамасыз етті және пациентті бортқа тиеу кезінде медициналық бригадаға көмек көрсетті.
Санитарлық авиация экипажының, медицина мамандарының және ТЖМ қызметкерлерінің жедел әрі үйлесімді жұмысының арқасында тасымалдау барлық қауіпсіздік талаптарына сай орындалды. Нәресте әрі қарай ем қабылдауы үшін дәрігерлерге тапсырылды.
