Шымкентте материалдық-техникалық құралдарды сақтау және арнайы автокөлікті орналастыруға арналған заманауи ангар кешені пайдалануға берілді. Нысанның жалпы аумағы 1920 шаршы метрді құрайды, бұл ірі габаритті техниканы, жабдықтарды және жедел әрекет етуге қажет резервтерді орналастыруға мүмкіндік береді, деп хабарлайды DKNews.kz.
Ашылу рәсіміне ҚР Төтенше жағдайлар министрі, генерал-лейтенант Шыңғыс Әрінов, қала әкімі Ғабит Сыздықбеков, азаматтық қорғау ардагерлері және ТЖД-ның жеке құрамы қатысты.
Жаңа ангар төтенше жағдайларды жою кезінде күштердің басқарылуын және дайындығын айтарлықтай арттыратыны атап өтілді.
Нысанды қолданысқа енгізу Қазақстан ТЖМ-нің материалдық-техникалық базасын нығайту және өңір халқының қауіпсіздігін қамтамасыз ету бағытындағы кезекті қадамы болды.
