Әлеуметтік желілер мен мессенджерлерде кеңінен тараған мобильді аударымдар туралы алаңдатарлық хабарламалар таралуда. Мобильді аударымдар төңірегіндегі фейктер, қандай операциялар бақылауға алынады және не себепті, жеке аударымдар мен кәсіпкерлік қызметтің айырмашылығы – Жалған ақпаратқа қарсы іс-қимыл орталығы жаңа шығарылымында осы және басқа да мәселелерді талдайды, деп хабарлайды DKNews.kz.
«Жаппай қаржылық бақылау», «әр аударымға салық салу», «жеке кәсіпкер ретінде мәжбүрлі тіркеу» сияқты жарияланымдар заңнамаға сілтемесіз және ресми түсініктемелерсіз беріліп, қоғамда үрей тудыруда. Манипулятивті жарияланымдар жекелеген ережелерді контекстен жұлып алып, фактілерді жорамалдармен алмастырып, эмоцияны күшейтеді. Осылайша қорқыныш пайда болады, ал оны сейілту кейін қиынға соғады.
Жалған ақпаратқа қарсы іс-қимыл орталығының жаңа шығарылымында мобильді аударымдар туралы алаңдатарлық хабарламаларға талдау жасалды.
Шығарылымда мыналар қамтылған:
- мобильді аударымдар төңірегіндегі фейктер;
- қандай операциялар бақылауға алынады және не себепті;
- жеке аударымдар мен кәсіпкерлік қызметтің айырмашылығы;
- салықтық және қаржылық бақылау іс жүзінде қалай жұмыс істейді;
- ең бастысы – фактілерді манипуляциялардан ажырату және қолдан жасалған үрейге берілмеу жолдары.
