ТЖМ өрт сөндірушілері өндірістік кооператив аумағындағы өртті сөндірді, деп хабарлайды DKNews.kz.
Өткен түні 112 қызмет пультіне Қостанай қаласы Складская көшесіндегі өндірістік кооператив аумағындағы өрт туралы хабарлама келіп түсті.
Шақыру орнына жедел өрт сөндіру бөлімшелері, жедел-құтқару жасағының құтқарушылары және ТЖД Апаттар медицинасы орталығының бригадасы келді. Келгеннен кейін өндірістік цехқа жапсарлас салынған екі моншаның жанып жатқаны анықталды.
Өрт сөндірушілердің үйлесімді және жедел әрекеттерінің арқасында өрт толығымен сөндірілді, зардап шеккендер жоқ. Өрттің себебі анықталуда.
